Бюджэт-2003: сюрпрызаў ня будзе... Быкаў у Празе... Фонд новы, твары старыя... Знайшоў сябра... Добра плаваем...
Бюджэт-2003: сюрпрызаў ня будзе
17 сьнежня палата прадстаўнікоў зацьвердзіла бюджэт на 2003 год. За праект у другім чытаньні прагаласавалі 72 дэпутаты, супраць — 6. Прыняты бюджэт істотна ня розьніцца ад прапанаванага ўрадам праекту.
Быкаў у Празе
Народны пісьменьнік Беларусі Васіль Быкаў зь Нямеччыны пераехаў на жыхарства ў Чэхію. Ён захоўвае беларускае грамадзянства і час ад часу прыяжджае на Бацькаўшчыну.
Фонд новы, твары старыя
У Маскве адбылася прэзэнтацыя беларуска-расейскага фонду “За новую Беларусь”. На яе зьехаліся Міхаіл Чыгір, Васіль Лявонаў, Анатоль Паўлаў, Генадзь Бураўкін, Павал Шарамет. В.Лявонаў бачыць задачу фонду ў тым, каб паказаць, што “ў Беларусі няма ворагаў Расеі”.
Знайшоў сябра
У пятніцу А.Лукашэнка ў часе сустрэчы зь лідэрам расейскіх камуністаў Генадзем Зюганавым прасіў “разьлічваць на яго ў цяжкую хвіліну”, а таксама падзякаваў за падтрымку, якую той “аказваў беларускаму народу”. Мусіць, будзем зь беларускіх кішэняў фінансаваць антыпуцінскую апазыцыю.
Добра плаваем
На чэмпіянаце Эўропы па плаваньні ў Нямеччыне беларускія спартоўцы ўзялі 12 і 13 сьнежня два мэдалі. Золата атрымала Алена Попчанка (100 мэтраў вольным стылем). Ейны вынік — 53,66 сэкунды. Бронзу прынесла Беларусі Ганна Шчэрба (200 мэтраў комплексным плаваньнем) з вынікам 2 хвіліны 10,23 с.
Цяпер чытаюць
З Міністэрства культуры звольнілі першага намесніка Маркава1
Каментары