Грамадства88

Святлана Алексіевіч — фаварыт на атрыманне Нобеля ў літаратуры. «Новая газета» — прэміі міра

Букмекерскія канторы пачалі прыём ставак на атрыманне Нобелеўскіх прэміі ў галіне літаратуры і міра. Перавага ў рэйтынгах букмекераў не азначае безумоўную перамогу, але найчасцей узнагарода дастаецца камусьці з першай дзясяткі падобных спісаў.

У літаратуры на дадзены момант лідзіруе 67-гадовая беларуская пісьменніца Святлана Алексіевіч. Стаўкі на яе перамогу прымаюцца з каэфіцыентам 5 да 1.

Шматгадовы фаварыт Нобелеўскай прэміі Харукі Муракамі на дадзены момант знаходзіцца на другім месцы. Калі паставіць на японца адзін даляр, то ў выпадку яго перамогі можна атрымаць шэсць даляраў.

Нарэшце, на трэцім месцы кеніец Нгугі Ва Тхіёнга.

Летась ён лічыўся абсалютным фаварытым букмекерскіх кантор, але прэмія дасталася французу Патрыку Мадыяно, які быў толькі чацвёртым у спісах прэтэндэнтаў. Стаўкі на Тхіёнга на дадзены момант складаюць 7 да 1.

Высокімі шанцы ацэньваюцца ў амерыканцаў Філіпа Рота і Кэрал Джойс Оўтс, сірыйца Адоніса, албанца Ісмаіла Кадарэ, нарвежца Юна Фосэ, карэйца Ко Уна, аўстрыйца Петэра Хандке.

Што тычыцца Нобелеўскай прэміі міру, то сёлета тут з’явіўся абсалютна новы фаварыт, які не фігураваў у падобных спісах папярэднія гады.

Гэта каталіцкі святар з Эрытрэі Мусі Зэраі, якія апошнія гады жыве ў Швейцарыі. Гэты чалавек дваццаць гадоў ратуе афрыканскіх уцекачоў, якія шукаюць прытулку ў Еўропе. Дзякуючы яму, тысячы людзей змаглі захаваць сабе жыццё, плывучы на хісткіх маторках праз Міжземнае мора. Стаўкі на Зэраі прымаюцца з каэфіцыентам 5 да 1.

Задушэнне палітычных свабод у Расіі спрычынілася да таго, што незалежная «Новая газета» з’яўляецца адным з найбольш імаверных прэтэндэнтаў на Нобеля. Стаўкі на яе прымаюцца 6 да 1.

На трэцім месцы кангалезскі доктар Дэніс Муквеге — заснавальнік бальніцы для ахвяраў сэксуальнага гвалту. Летась ён атрымаў прэстыжную праваабарончую прэмію Андрэя Сахарава.

Сярод астатніх фаварытаў Папа Францішак, арганізацыі Iraq Body Count project і Japanese people who conserve Article 9, дацкі журналіст Флемінг Роўз, палітвязень з Саудаўскай Аравіі Раіф Бадаві, старшыня ААН Пан Гі Мун.

Каментары8

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Усе навіны →
Усе навіны

У адным з магілёўскіх інтэрнатаў пасяліліся чырванакніжныя птушкі

Эксперты расказалі, дзе беларусы адпачываюць гэтым неспакойным летам2

Пуцін: Дзе ступае нага рускага салдата, гэта наша54

«Верылі ў Трампа-міратворца». Удар Ізраіля па Іране заспеў Крэмль знянацку4

Альтэрнатыва «Купалінцы» — Анастасія Рыдлеўская і гурт Nochy выпусцілі песню пра купальскую ноч

Пуцін заявіў, што «не дамагаецца капітуляцыі з боку Украіны»5

Навуковец патлумачыў, чаму Мінск сёлета так зарос травой7

Ці будуць сёлета чарніцы? У тыктоку правялі пераклічку2

Ансамбль «Песняры» будзе выпускаць пад сваім брэндам гарэлку4

больш чытаных навін
больш лайканых навін

Сяргей Ціханоўскі выйшаў на волю59

Сяргей Ціханоўскі выйшаў на волю

Галоўнае
Усе навіны →

Заўвага:

 

 

 

 

Закрыць Паведаміць