У іранскай правінцыі Семнан, што на поўначы краіны, адбыўся землятрус магнітудай 5,2. Пры цяперашняй напружанай сітуацыі вакол гэтай краіны зразу ўзнікаюць версіі, што гэта ўсё не проста так — ці амерыканцы разбамбілі падземны комплекс у Фардо, ці іранцы правялі ядзернае выпрабаванне. Але здаецца, што гэта ўсё ж чыста прыродная з'ява.
Правінцыя Семнан на захадзе мяжуе з правінцыямі Тэгеран і Кум. Эпіцэнтр землятрусу знаходзіўся за 36 км на паўднёвы захад ад горада Семнан, ачаг залягаў на глыбіні 10 кіламетраў. Пра разбурэнні і пацярпелых не паведамляецца. Пры гэтым у суседняй правінцыі Кум знаходзіцца ядзерны аб'ект Фардо.
Гэта не першы выпадак сейсмічнай актыўнасці ў рэгіёне — 14 кастрычніка 2024 года тут ужо адбываўся землятрус магнітудай 4,8. Ягоны эпіцэнтр быў непадалёк ад горада Гермсар на глыбіні 11 кіламетраў. Тады некаторыя жылыя дамы засталіся без электрычнасці і інтэрнэту, а падземныя штуршкі адчуваліся нават на ўсходзе Тэгерана.
Пасля тых падзей у сацыяльных сетках таксама з’явіліся чуткі пра нібыта магчымыя ядзерныя выпрабаванні, аднак улады Ірана і дзяржаўныя СМІ гэтыя здагадкі абверглі. Міжнародная арганізацыя па забароне ядзерных выпрабаванняў таксама не зафіксавала ніякіх прыкмет ядзернай дзейнасці — уся сейсмічная актыўнасць мела натуральны характар.
У правінцыі Семнан знаходзіцца аднайменны іранскі ракетны палігон, размешчаны ў пустыні Дашце-Кевір. Менавіта адсюль у 2009 годзе быў выведзены на арбіту першы іранскі спадарожнік «Амід» з дапамогай ракеты «Сафір». Пазней на гэтай базе быў створаны касмічны цэнтр з касмадромам імя Імама Хамейні.
Будучыня Ірана: тры сцэнары пасля магчымага краху рэжыму мулаў
«Верылі ў Трампа-міратворца». Удар Ізраіля па Іране заспеў Крэмль знянацку
Прэзідэнт Ізраіля: Мы не ставім за мэту зрынуць Хаменеі, але гэта можа быць пабочным эфектам з вялікімі гістарычнымі наступствамі
Вось колькі каштуе Ізраілю вайна з Іранам. Самае дарагое — абарона свайго неба
Цяпер чытаюць
Даследчыкі знайшлі месца ў Беларусі, дзе базуецца «Арэшнік»5
Каментары