Сёння ў мінскай сядзібе ТБМ распачаліся бясплатныя курсы украінскай мовы, якія сабралі сапраўдны аншлаг. На іх запісалася столькі людзей, што давялося падзяліць удзельнікаў на тры групы. Дзве будуць займацца ў пятніцу і адна — у суботу.
На першым занятку прысутнічалі пасол Украіны ў Беларусі Ігар Кізім і першы намеснік старшыні Таварыства беларускай мовы Алена Анісім. Украінскі дыпламат адзначыў, што нечакана ўбачыць столькі жадаючых вывучаць украінскую мову ў Мінску, а таксама паабяцаў, што ўкраінскі бок зробіць усё магчымае, каб падтрымаць гэтую зацікаўленасць.
Ігар Кізім агучыў інфармацыю пра адкрыццё украінскага тэлеканала ў Беларусі. Усю тэхнічную дакументацыю па гэтым пытанні ўкраінскі бок ужо перадаў у Мінск. Пасол зазначыў, што гаворка ідзе таксама і пра адкрыццё бюро агенцтва «Укрінформ» у беларускай сталіцы.
Каментары