Літаратура5959

Бог ці д’ябал? Хто пераможа ў бітве за Беларусь? На прэзентацыю рамана Севярынца сабралася аж 300 чалавек

Гэты раман Павел Севярынец пісаў 12 гадоў. Былі самыя розныя гісторыі, калі рукапіс «Беларусаліму» канфіскоўвалі сілавікі. Потым нейкім цудам кніга зноў вярталася да Паўла.

«Па-над гатэлем «Беларусь» задрыжэла халодная зорка. Ледзь бачная кропля святла. Слязінка ў прадонні. Чалавек у чорным спінжаку, які стаяў на Траецкім мосце праз Свіслач, плюнуў уніз. Маленькі згустак цяпла аддзяліўся ад цела і праз імгненне пацалаваў цемру», — так пачынаецца твор Севярынца.

На прэзентацыю кнігі ў бізнэс-цэнтр «Вікторыя» прыйшло каля 300 чалавек. Калі ты не Горват, ці Марціновіч, то хто яшчэ можа пахваліцца такой аўдыторыяй чытачоў? Людзі розныя: маладыя пары-вернікі з дзецьмі ці цяжарныя, ёсць барадатыя хіпстары, сівыя мужчыны ў гальштуках, сціплыя жанчыны ў доўгіх спадніцах.

Сам Павел Севярынец на сцэне ў чорным пінжаку, белай кашулі, без гальштука ці мятліка, затое з бел-чырвона-белым значакам на лацкане. Прэзентацыя толькі пачалася, а зала ўжо выбухала апладысментамі, асабліва актыўнічаў маладафронтавец Зміцер Дашкевіч.

Найперш Севярынец падзякаваў таму, без каго «не было б ні мяне, ні гэтай кнігі». Гэтае прысвячэнне было Госпаду Богу. Наступныя падзякі былі маме Паўла Таццяне, якая прыехала з Віцебска, і сястры Ганне.

«Я зразумеў, якую кнігу я мушу напісаць», — адзначыў Севярынец. Агулам «Беларусалім» будзе складацца з трох частак. Сам Павел самаіранічна параўнаў прэзентацыю кнігі з «Уладаром пярсцёнкаў». Маўляў, фільмы гэтай серыі Толкіна таксама выходзілі не адразу, а каб заахвоціць гледача/чытача.

Пра што кніга? «Пра апошнюю бітву дабра і зла. Пра жыццё, пра каханне, пра здраду», — кажа аўтар. 

Урывак з кнігі зачытвала жонка Паўла Вольга, яна выйшла на сцэну ў смарагдавай сукенцы. Бачна, што Воля ўжо не на першым месяцы цяжарнасці. Паўлава жонка расказвала кранальную гісторыю, як ёй даводзілася праносіць мужу асадку падчас адседак на Акрэсціна: «Засоўвала асадку ў буханку хлеба, ці, прабачце, туалетную паперу, каб Павел мог працягваць пісаць».

Зміцер Дашкевіч парваў публіку фразай: «Раман я не чытаў, але адабраю». Затое апавёў пра тое, як насіў Севярынцу яйкі і крабавыя палачкі з Чэрвеньскага рынку, калі аўтар пісаў твор. Падчас выступу Дашкевіча на сцэну выскачылі яго дзеці — Мара і Давід. Публіка на гэткую дзіцячую непасрэднасць адрэагавала вельмі цёпла.

Пасля імпрэзы да Севярынца пацягнулася доўгая чарга па аўтографы.

Каментары59

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Беспілотнік, які ўпаў у Мінску, прыляцеў з боку Барысава — шматлікія сведчанні5

Беспілотнік, які ўпаў у Мінску, прыляцеў з боку Барысава — шматлікія сведчанні

Усе навіны →
Усе навіны

«Прыстроіць грошы, каб працавалі». Сумная гісторыя кавярні, якая «не ўзляцела»4

Лукашэнка будуе сакрэтны завод па вытворчасці дронаў у Мінску7

СК апублікаваў відэазапіс падзення беспілотніка ў Мінску. На абломках паказалі ўкраінскія надпісы45

Арыштавалі экс-начальніка ДАІ Партызанскага раёна Мінска1

«Ніхто не мае права забараніць мне абняць дзіця». Мінчанка здзівілася строгім правілам у дзіцячым летніку5

АМАП затрымлівае мінчукоў на месцы падзення беспілотніка ў двары на Матусевіча26

Беларускі бізнэсмен, якога шукае Інтэрпал, адкрыў рэстаран у Варшаве. Цяпер з ім судзяцца былыя падначаленыя9

«Не спалі ўсю ноч». Што адбываецца ў двары ў Мінску, дзе збілі дрон8

Мядзведзеў прыгразіў ЗША вайной пасля таго, як Трамп скараціў тэрмін ультыматуму Пуціну7

больш чытаных навін
больш лайканых навін

Беспілотнік, які ўпаў у Мінску, прыляцеў з боку Барысава — шматлікія сведчанні5

Беспілотнік, які ўпаў у Мінску, прыляцеў з боку Барысава — шматлікія сведчанні

Галоўнае
Усе навіны →

Заўвага:

 

 

 

 

Закрыць Паведаміць