Сёння падчас справаздачы ўрада, Нацыянальнага банка, аблвыканкамаў і Мінскага гарвыканкама аб выніках працы эканомікі Аляксандр Лукашэнка запатрабаваў урэгуляваць сітуацыю з працаўладкаваннем будаўнікоў унутры краіны, паведамляе БелТА.
Лукашэнка ў час справаздачы асобна спыніўся на сітуацыі ў будаўнічай галіне. Ён пацікавіўся, як забяспечаны персаналам найбуйнейшыя будоўлі краіны, у тым ліку Беларуская атамная электрастанцыя, што робіцца, каб беларускія будаўнікі былі задзейнічаны на аб'ектах ўнутры краіны, а не за мяжой.
«Чаму мы, маючы велізарныя будоўлі ў краіне, не будуем самі? Гэта ж карысць. Сёння працоўных месцаў дастаткова»,
— сказаў Аляксандр Лукашэнка.
Прэм'ер-міністр Андрэй Кабякоў растлумачыў, што аб'ёмы будаўніцтва растуць, у гэтым годзе яны павінны перавысіць леташні ўзровень.
