Міліцыянеры праверылі фекаліі з роліка ў сацсетках. Прыйшлі да высновы, што яны несапраўдныя
Падчас чарговага маніторынгу інтэрнэту супрацоўнікі мінскай міліцыі звярнулі ўвагу на відэа, якое хутка распаўсюджвалася ў сацыяльных сетках. На роліку было бачна, як падлетак у пад’ездзе шматпавярховага дома пакідае на падлозе і сценах прадметы падазронага выгляду — яны былі падобныя да чалавечых экскрэментаў.
Паглядзеўшы ролік, сілавікі сталі разбірацца, дзе і кім было знята відэа. У выніку яны ўстанавілі месца падзеі і асобу аўтара роліка. Ім аказаўся чатырнаццацігадовы школьнік, жыхар Мінска. Разам з маці яго запрасілі ў міліцыю для тлумачэння сітуацыі, дзе запісалі пакаяннае відэа.
На размове падлетак прызнаўся, што відэа здымаў выключна дзеля жартаў — хацеў падзяліцца ім з сябрамі ў агульным чаце, каб іх павесяліць. Ён сцвярджаў, што не планаваў, каб ролік трапіў у адкрыты доступ і, паводле яго слоў, гэта адбылося без яго ведама.
Прадметы, якія выглядалі як фекаліі, былі зробленыя з бясшкодных прадуктаў — тварагу і печыва. Пасля таго, як здымкі скончыліся, хлопец сам прыбраў пад’езд, каб не пакінуць пасля сябе бруду.
Міліцыя цяпер праводзіць праверку і думае, ці ёсць тут падстава для прыцягнення да адміністрацыйнай або прафілактычнай адказнасці.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары
[Зрэдагавана]