Гомельскую суддзю, якая адпрацавала 25 гадоў і займалася палітычнымі справамі, выгналі за сістэматычныя дысцыплінарныя парушэнні
Святлану Мажэйку збіраліся ўключаць у санкцыйныя спісы яшчэ ў 2006-м.
Святлана Мажэйка звольненая з пасады суддзі суда Савецкага раёна Гомеля. Афіцыйная прычына яе адстаўкі, прапісаная ў указе Аляксандра Лукашэнкі — сістэматычныя дысцыплінарныя парушэнні. Гэта значыць, што на працягу года Мажэйку больш за два разы прыцягнулі да дысцыплінарнай адказнасці.
Якімі маглі быць гэтыя парушэнні? Паводле Кодэкса аб судовым ладзе і статусе суддзяў, гэта магло быць парушэнне Кодэксу аб гонару суддзі, парушэнне заканадаўства аб ажыццяўленні правасуддзя (напрыклад, калі суддзя знарок выносіла незаконныя прысуды; калі незнарок, то лічыцца, што нічога страшнага), невыкананне правіл унутранага працоўнага распарадку альбо здзяйсненне іншай правіннасці.
Святлана Мажэйка адпрацавала ў беларускай судовай сістэме больш за 25 гадоў.
Яна пачынала ў судзе Брагінскага раёна яшчэ ў 1999 годзе. У 2006‑м Мажэйка згадвалася ў рэкамендацыях «Вясны» для ўнясення ў еўрапейскія санкцыйныя спісы.
У 2007 яе перавялі ў суд Веткаўскага раёна, з часам яна стала старшынёй гэтага суда. Там Мажэйка працягвала разглядаць палітычныя справы — напрыклад, у 2022‑м прысудзіла год калоніі работніку «Гомсельмаша» Кірылу Пятрэнку.
У снежні 2022‑га Мажэйку перавялі ў суд Савецкага раёна Гомеля. Тут на яе рахунку як мінімум некалькі адміністратывак за распаўсюд «экстрэмісцкіх матэрыялаў».
Максімальны ўзрост, да якога можна працаваць суддзёй у судах агульнай юрысдыкцыі — 65 гадоў. Мажэйку звольнілі з непрыемнай фармулёўкай у 59 гадоў.
-
За рулём дыпламатычнай машыны, якая сутыкнулася з паліцэйскім аўто ў Беластоку, быў консул Беларусі ў Аўстрыі
-
У Мінску жанчына выкінула з дзявятага паверха чыхуахуа свайго каханка
-
Завяшчаў Карыне Шуляк 50 мільёнаў, а яе бацька лётаў з ім на верталёце за месяц да арышту. Што яшчэ стала вядома з файлаў Эпштэйна
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ23
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары