Меркаванні

Дацэнт канстытуцыйнага права: Варта дадаць у Канстытуцыю яшчэ адзін дзяржаўны сімвал — дэвіз «Жыве Беларусь!»

Дацэнт канстытуцыйнага права Іван Пляхімовіч, аўтар двухтомнага «Каментарыя да Канстытуцыі Рэспублікі Беларусь», выступіў з прапановай — замацаваць у Канстутыцыі яшчэ адзін дзяржаўны сімвал.

«Цяперашняя Канстытуцыя Беларусі, як і канстытуцыі пераважнай большасці дзяржаў, прадугледжвае тры дзяржаўныя сімвалы: сцяг, герб і гімн. Аднак некаторыя краіны маюць яшчэ і іншыя дзяржаўныя сімвалы.

У Францыі няма герба, затое яе Канстытуцыя замацоўвае разам са сцягам і гімнам: дэвіз Рэспублікі — «Свабода, Роўнасць, Братэрства». Гэты сусветна вядомы дэвіз бярэ свой пачатак ад Вялікай французскай рэвалюцыі XVIII ст.;

прынцып Рэспублікі — праўленне народа, паводле волі народа і для народа.

Сімваламі Бразіліі, адпаведна яе Канстытуцыі, з’яўляюцца сцяг, герб, гімн і пячатка.

Іван Пляхімовіч.

Ёсць словы, якія маглі б стацца дзяржаўным сімвалам Беларусі. Іх ведае кожны наш суайчыннік, і замены ім няма: «Жыве Беларусь!». Гэты выраз набыў другое дыханне ў сённяшняй краіне, бо з’яўляецца адным з сімвалаў масавых выступленняў беларусаў», — тлумачыць Іван Пляхімовіч.

«Дэвіз дзяржавы варта ўключыць таксама ў канстытуцыйны тэкст прысягі прэзідэнта, якую ён будзе прыносіць падчас заступлення на пасаду. Афіцыйнае прызнанне дэвізу дзяржавы садзейнічала б развіццю і адзінству беларускай нацыі, умацаванню яе духу, паказвала б усяму свету нашую адметнасць, — перакананы юрыст. — 

Словам «Жыве Беларусь!» ужо больш за 100 гадоў, а іх аўтарства належыць Янку Купалу. У 1905—1907 гг. ён напісаў верш «Гэта крык, што жыве Беларусь», які сканчваецца такімі радкамі:

А вот як не любіць гэта поле, і бор,
І зялёны садок, і крыклівую гусь!..
А што часам тут страшна заенча віхор, —
Гэта енк, гэта крык, што жыве Беларусь!»

 

Вядомы беларускі юрыст: Права на супраціўленне прыгнёту вынікае з Канстытуцыі, а ў будучыні павінна быць прапісана ў ёй

«Нязручнага» дацэнта Пляхімовіча звольнілі з БДУ

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў1

«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў

Усе навіны →
Усе навіны

У Гомельскай вобласці ствараецца новая дэсантная брыгада3

Лукашэнка расказаў, як ён перажываў за Трампа8

Лукашэнка заявіў, што ў беспілотніку, які ўпаў у Мінску, было 59 кг выбухоўкі10

Лукашэнка вучыў Зяленскага: «Я хачу сустрэцца з Пуціным» — ну што ты крычыш пра гэта?»14

«Спала і прачнулася на абломках унізе». Гісторыя дзяўчыны, якая падчас атакі Расіі на Кіеў выпала з 9-га паверха і выжыла

Белы дом пераўтвараецца ў казачны палац: Трамп будуе бальную залу за 200 мільёнаў даляраў7

Джасцін Цімберлэйк расказаў, што мае хваробу Лайма, якую пераносяць кляшчы. Боль ён трываў два гады на сцэне5

Пачалася сустрэча Лукашэнкі і Пуціна5

Як выглядае беспілотнік, які сёння знайшлі ў Літве ФОТА3

больш чытаных навін
больш лайканых навін

«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў1

«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў

Галоўнае
Усе навіны →

Заўвага:

 

 

 

 

Закрыць Паведаміць