Суд над Алесем Пушкіным: мастак у знак пратэсту лёг у белай робе на турэмную лаўку
У Мінскім гарадскім судзе (вул, Дуніна-Марцінкевіча, 3) сёння пачаўся суд над мастаком Алесем Пушкіным. Яму пагражае да 12 гадоў турмы.
Мастак лёг на лаўцы ў клетцы ў белай робе, такім чынам пратэстуючы, паведамляе «Радыё Свабода».
Таксама Пушкін адмовіўся ўставаць, патрабуючы зняць з рук кайданкі.
Усіх наведвальнікаў выгналі з залы, пакуль канвой спрабаваў падняць мастака.
Пушкіна затрымалі 30 сакавіка ў вёсцы Жылічы Кіраўскага раёна ў царкве, на рэстаўрацыі якой той працаваў.
За чатыры дні да гэтага пракуратура Гродна завяла супраць Пушкіна крымінальную справу «за здзяйсненне наўмысных дзеянняў, скіраваных на рэабілітацыю і апраўданне нацызму» (ч. 3, арт. 130) — на выставе ў Гродне дэманстраваўся партрэт удзельніка антысавецкага паваеннага падполля Яўгена Жыхара.
У канцы снежня 2021 года да гэтага яшчэ дадаўся «здзек з дзяржаўных сімвалаў». Мастаку пагражае да 12 гадоў зняволення.
Закаханыя ў Мінску хацелі сабраць з падпісчыкаў $10 тысяч на вяселле мары. Колькі ж у выніку ім заданацілі?10
Каментары