«Газпрам» пабудуе пад Мінскам завод па вытворчасці звадкаванага газу
Комплекс звадкавання прыроднага газу будзе пабудаваны ў Мінскай вобласці за сем месяцаў, паведаміла гендырэктар кампаніі «Газпрам гелій сэрвіс» Любоў Брыш на пасяджэнні некалькіх камісій Парламенцкага сходу Саюза Беларусі і Расіі, піша «Спутнік».
Расійскі газавы гігант ужо знайшоў пляцоўку пад вытворчасць ЗПГ у Мінскай вобласці і мае намер здаць прадпрыемства ў эксплуатацыю ў 2025 годзе.
Тэрмін здачы прадпрыемства ў эксплуатацыю — 2025 год. Браш адзначыла, што пакуль у Беларусі не развіта адпаведнае заканадаўства, і пабудаваць завод па выпуску звадкаванага прыроднага газу (ЗПГ) цяпер практычна немагчыма.
Аднак было знойдзена рашэнне. Пляцоўкай для прадпрыемства будзе зона з асаблівым прававым рэжымам — Кітайска-беларускі індустрыяльны парк «Вялікі камень».
Завод пабудуюць у прывязцы да аналагічнага прадпрыемства ў Валгаградскай вобласці.
«Цябе б бацька пракляў»: Маці фігуранта «малочнай справы» прабілася на спатканне з ім, каб слёзна папрасіць не супрацоўнічаць са следствам3
Каментары
Мэта будавання заводу па вырабу LNG у Вялікім камні - цалкам утапічная: гэта забеспячэнне транспарту на трасе М-1 LNG (хтосці бачыў гэта транспарт асабіста ў свеце памяньшэння грузапатокаў з Еўропы?) і грамадскага транспарту ў Беларусі (яго таксама пакуль што няма але нібыта МАЗ калісці пачне выпуск аўтобусаў на LNG). Тэма масавага ўжывання прыроднага газу як транспартнага паліва была актуальнай для Беларусі прыкладна гадоў 15 таму, але тады пераважна ўжываўся сціснуты газ (CNG). Газпрам тады паспяхова заваліў тэму пераводу транспарту на CNG, бо інфраструктуру будаваць было дорага, абсталяванне для транспарту каштавала дорага, патрабаванні бяспекі ужывання CNG моцна абмяжоўвалі масавасць і г.д. У CNG была яшчэ адна моцная хіба - гэта вельмі малы запас ходу на адзінку аб'ему паліва. Таму ў Еўропе тады адразу ж спрабавалі ужываць цяжкавікі і асабліва гарадскія аўтобусы на LNG, але масавасці тая з'ява таксама не атрымала. Але з таго часу адбыўся моцны прагрэс у галіне развіцця легкавога і гарадскога электратранспарту нават у Менску (у рэгіяёнах усё горш праз недахоп грошаў), да чаго дадалося пытанне утылізацыі ня вельмі таннай электрычнасці з ізаляванай праз санкцыі БелАЭС. Таму запыт несвабоднага беларускага энергетычнага рынку на газпрамаўскі LNG выклікае вялікае пытанне.