Uradženiec Hłybokaha Eduard Maciušonak žyvie ŭ paviatovym centry z 1984 hodu. 20 hod, praviedzienyja ŭ Vialejcy, i paspryjali napisańniu kopii. «Za taki čas bolš pačynaješ razumieć, što dla ciabie značać karani, na jakich trymajecca kultura. Ja vielmi hanarusia, što žyvu na ziamli, pa jakoj chadziŭ Silivanovič», — kaža mastak.
Maciušonak planavaŭ prezentavać svajho «Sałdata i chłopčyka» da 170-hodździa ziemlaka, jakoje adznačałasia ŭ śniežni, adnak z roznych pryčyn praca zaciahnułasia na paŭhady. Mastak pryznaje, što aryhinał, jaki zachoŭ-vajecca ŭ Nacyjanalnym mastackim muzei ŭ Miensku, bolš daskanały pa ŭzroŭni majsterstva. Ale zrabiŭšy kopiju, sp.Maciušonak tym samym daŭ mahčymaść vielejčukam bližej paznajomicca z tvorčaściu vydatnaha ziemlaka. Pałatno Maciušonak padaryŭ miascovamu krajaznaŭčamu muzeju.
Sp.Eduard spadziajecca taksama zrabić kopiju słavutaha «Aŭtapartretu» Silivanoviča. Ale karcina znachodzicca ŭ Vilni, kudy vyjechać nia tak prosta. Pierad vačyma vielmi važna mieć aryhinał, i hetaha nie zamienić ni adna repradukcyja.
Eduard Maciušonak — adzin z tych tvorcaŭ, jakich cikavić historyja. Jahonaja seryja «Baćkaŭščyna» maluje architekturnyja pomniki, jakich bolš nia ŭbačyš. Jany źniščanyja albo vajnoj, albo savietami.
Pry kancy sakavika E.Maciušonak adkryvaŭ persanalnuju vystavu «Daroha da Domu» ŭ rodnym Hłybokim. Na małoj radzimie karciny prezentavalisia ŭpieršyniu. Tam sp.Maciušonak paznajomiŭsia z redaktaram niedziaržaŭnaj hazety «Volnaje Hłybokaje» Ŭładzimieram Skrabatunom. Sp.Skrabatun źjaŭlajecca aŭtaram knihi «Hłybokaje ŭ paštoŭkach», pa jakoj mastak zmoh na pałotnach adnavić niekatoryja miaściny horadu. I ciapier jany planujuć raspačać pracu nad rekanstrukcyjaj na pałatnie placu ŭ Hłybokim z usimi staradaŭnimi pabudovami.
Siońnia mastak pracuje nad seryjaj karcin, pryśviečanych padskarbiju VKŁ Antoniju Tyzienhaŭzu. Seryja ŭklučyć jak partrety samoha padskarbija, tak i kopii karcinaŭ ź jahonaj spadčyny. Karcinnaja halereja Tyzienhaŭza naličvała pad 600 rabot, siarod jakich pałotny Rafaela, Leanarda.
Žadajem mastaku ŭsie zadumy ŭvasobić u žyćcio.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk49
Kamientary