Praces Dorna: dabro na vyvaz doma rabina z Raduni davaŭ rajvykankam
U sudzie Centralnaha rajona Minska praciahvajecca razhlad spravy staršyni Iŭdziejskaha relihijnaha abjadnańnia.
13 śniežnia adnym sa śviedkaŭ vystupiła namieśnica prakurora Voranaŭskaha rajona Ludmiła Sazon. Jana letaś pravodziła pravierku pa domu Chafieca-Chaima ŭ pasiołku Raduń.
Pa jaje słovach, u lutym 2011-ha ŭ Voranaŭskuju prakuraturu pastupiła zajava ad žančyny. Jana pračytała ŭ adnoj z haziet zaciemku pra vyvaz doma, dzie niekali žyŭ duchoŭny lidar jaŭrejskaj hramady Chafiec-Chaim, u ZŠA. I prasiła pravieryć, ci nie byŭ budynak historyka-kulturnaj kaštoŭnaściu.
Vyśvietliłasia, što dom byŭ pabudavany prykładna ŭ 1900 hodzie, ale nie źjaŭlaŭsia historyka-kulturnaj kaštoŭnaściu.
U 2001-m jaho vykupiła Iŭdziejskaje relihijnaje abjadnańnie.
Pavodle namieśnicy prakurora, na razborku i vyvaz doma byŭ dazvoł miascovych uładaŭ. Dakumientaŭ na heta nie zachavałasia. Toje paćvierdzili supracoŭniki rajvykankama padčas apytańnia.
Ale tady nie praviarałasia zakonnaść vyvazu doma.
Juryj Dorn abvinavačvajecca ŭ «Atrymańni chabaru», «Pieravyšeńni ŭłady abo słužbovych paŭnamoctvaŭ», «Uchileńni ad vypłaty padatkaŭ», «Kradziažy abo paškodžańni dakumientaŭ, štampaŭ, piačatak», «Słužbovym padłohu».
Adzin z epizodaŭ i źviazany z domam u Raduni. Pa viersii śledstva, Dorn jašče ŭ 2001—2002 razabraŭ i vyviez z pasiołka praź Litvu ŭ ZŠA dom rabina Chafieca-Chaima. Kab atrymać budynak, jon vykupiŭ u pasiołku niekalki kvater, jakija i abmianiaŭ na toj dom. Pa viersii abvinavaŭcy, złačynstva ŭ tym, što Juryj Dorn ad imia abjadnańnia zaklučaŭ damovy, a nasamreč rabiŭ toje biez rašeńnia praŭleńnia. I nie pieradavaŭ dakumienty ŭ buchhałteryju.
Vinavatym siabie staršynia abjadnańnia nie pryznaje.
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary