Fanackaje asiarodździe praciahvaje biełarusizavacca.
Sioleta my ŭžo znajomili čytačoŭ ź biełaruskamoŭnymi banierami na trybunach. Ciapier na čarzie — stykiery (nalepki).
Faktyčna, takim čynam fanaty paznačajuć svaju prysutnaść u horadzie.
Stykier — heta toj žamini-banier , jaki niasie infarmacyju nie tolki pra lubimy kłub, a i inšyja kalafutbolnyja padziei.
Apošniaja partyja stykieraŭ BATE absalutna biełaruskamoŭnaja. Pryčym, niekatoryja vykananyja na biełaruskaj łacincy. Tut, viadoma, pra sam FK, ale vykazvajuć fanaty svajo staŭleńnie da Biełaruskaj fiederacyi futboła, piratechniki.
Jość nalepki z vyjavami Kastusia Kalinoŭskaha i Stanisłava
Jość Kastuś Kalinoŭski i na stykierach minskaha «Tarpieda».Na nalepcy napisana «Ajčyna! Nacyja! Tarpieda!» Taksama majucca takija, što paviedamlajuć «Futboł dla fanataŭ, a nie dla musaroŭ».
Jakasnyja stykiery ŭ «Homiela». Robiać ich za miažoj. U Biełarusi i daražej, i palihrafija horšaja. «Adna Radzima, adzin horad, adna kamanda», — napisana na nalepcy.
«Dniapro budzie pieršym», — paviedamlajuć mahiloŭskija stykiery. Chacia pobač ža jość takija, jak «dnieprianie», blizki pa afarmleńni da «słavianie».
Viadoma, jość biełaruskamoŭnyja stykiery ŭ adviečnych supiernikaŭ «Dynama» i «Partyzana». «Ad baćki da syna. Adna kamanda, adna Radzima», — vielmi pryhožy stykier «Dynama».
Mienšyja kłuby, hledziačy na vyšejšuju lihu, taksama ciahnucca ŭ tym ža kirunku. «Zialona-biełyja syny mahutnaj krainy», — heta nalepka fanataŭ «Maładziečna».
U Breście, Viciebsku, Hrodnie, Słucku, Žłobinie, Lidzie, Słonimie, Baranavičach taksama na stykierach jość biełaruskaja mova.
Kali biełmovy niama, to niaredka byvaje Pahonia, jak u «Biełšyny».
Skidvajcie ŭ kamientach jašče ŭzory biełaruskamoŭnych stykieraŭ.
Kamientary