Jon ciapier budzie nazyvacca «Jeŭratorhinviestbank». Adnačasova sa źmienaj imia paviedamlajecca ab novym kursie raźvićcia.
«Novaja stratehija banka stavić metaj stvareńnie univiersalnaj finansavaj ustanovy z raźvitaj rehijanalnaj sietkaj, jakaja pradstaŭlaje aktualnyja bankaŭskija pradukty i pasłuhi dla fizičnych i jurydyčnych asob, u pieršuju čarhu, praz roźničnuju sietku kampanii "Jeŭratorh» -- asnoŭnaha akcyjaniera banka», - havorycca na sajcie banka.
Bank całkam abnović karparatyŭny styl. Źmienicca łahatyp, karparatyŭny sajt, źniešniaje i ŭnutranaje afarmleńnie ofisaŭ i punktaŭ prodažaŭ.
Nahadajem, što «Jeŭratorh» staŭ uładalnikam banka letam minułaha hoda i amal adrazu było zajaŭlena pra mahčymaść rebrendynhu.
Nahadajem, što MRB śpiecyjalizavaŭsia na spažyvieckich kredytach sietki kram «Jeŭraopt» i «TechnaPlus». U novaj stratehii pryjarytet zastajecca za absłuhoŭvańniem fizičnych asob, adnak, miarkujučy pa ŭsim, bank maje namier značna pašyryć śpiektr akazvajemych pasłuh.
Kamientary