Vital Rymašeŭski na abvinavačvańni Statkieviča ŭ danosach: «Heta niapraŭda»
Mikałaj Statkievič dasłaŭ list z-za krataŭ, u jakim znoŭ źviarnuŭsia da padziej Płoščy i taho, što im papiaredničała. U pryvatnaści, Statkievič napisaŭ pra «pavodziny samaha «chryścijanskaha» kandydata».
«U majoj sudovaj spravie było try danosy ad jaho — na mianie (zrobleny da vybaraŭ), na Dzimu Usa i na ŭsich udzielnikaŭ Płoščy (zroblenyja padčas śledstva)».
Kandydatam ad chryścijanskich demakrataŭ na vybarach-2010 byŭ Vital Rymašeŭski.
«Heta niapraŭda, — zajaviŭ Vital, kamientujučy list «NN». — Nasamreč, dumaju, ź Mikołam Statkievičam treba razmaŭlać paśla jaho vyzvaleńnia. I tady možna budzie daviedacca, jakija materyjały jamu padsoŭvali ci nie padsoŭvali. Dumaju, i ŭsie pytańni pa Płoščy buduć abmierkavanyja».
«Ja pra heta nieadnarazova havaryŭ, — skazaŭ Dźmitryj Us, ale taksama nie staŭ udakładniać imia. — Nie budu pieracirać kostki...
Jon, kandydat, napeŭna, zrazumieŭ, što zrabiŭ. Małady jašče... Byŭ taki, nu i ŭsio na hetym».
U papiarednim liście Mikałaj Statkievič padymaŭ šerah pytańniaŭ Płoščy. Adkazvać na ich tady daviałosia Uładzimiru Niaklajevu.
Kamientary