Ułady Paŭdniovaj Afryki zajavili, što były prezident krainy Nelsan Mandeła znoŭ znachodzicca ŭ balnicy z-za lohačnaj infiekcyi. U śniežni Mandeła prajšoŭ kurs lačeńnia ad hetaj chvaroby.
Pavodle zajavy ŭrada PAR, jaho pryvieźli ŭ balnicu niezadoŭha da apoŭnačy. Dalejšych detalaŭ ŭłady nie dali.
Eks-prezident Nelsan Mandeła ŭ pačatku sakavika prajšoŭ płanavaje abśledavańnie. Paviedamlałasia, što žyćciu 94-hadovaha łaŭreata Nobieleŭskaj premii miru ništo nie pahražaje.
U śniežni minułaha hoda jon pravioŭ u špitali amal try tydni, na praciahu jakich jamu vydalali kamiani ŭ žoŭcievym puchiry.
U Paŭdniovaj Afrycy i va ŭsim śviecie da byłoha prezidenta staviacca z hłybokaj pašanaj, jak da histaryčnaha dziejača, jaki ŭznačaliŭ baraćbu z aparteidam, a ŭ 1994 hodzie byŭ abrany pieršym čarnaskurym prezidentam PAR.
Kamientary