U Francyi pryniali zakon ab viartańni kulturnych kaštoŭnaściaŭ byłym kałonijam
Francuzskija deputaty pryniali zakon, jaki spraščaje viartańnie kulturnych kaštoŭnaściaŭ, vyviezienych z byłych kałonij. Nacyjanalny schod Francyi adnahałosna padtrymaŭ hety zakonaprajekt, a raniej jaho ŭžo ŭchvaliŭ Sienat, paviedamlaje Euronews.
Zakon praduhledžvaje bolš prostuju praceduru viartańnia mastackich tvoraŭ i artefaktaŭ, vyviezienych z byłych francuzskich kałonij, naprykład, Ałžyra, Mali ci Bienina. Asablivaja ŭvaha nadajecca pradmietam, vyviezienym u pieryjad z 1815 da 1972 hoda — da ŭstupleńnia ŭ siłu mižnarodnaj kanviencyi ab achovie kulturnaj spadčyny.
Heta rašeńnie praciahvaje palityku prezidenta Francyi Emanuela Makrona, jaki jašče ŭ 2017 hodzie zajaviŭ pra nieabchodnaść viartańnia afrykanskaj kulturnaj spadčyny. Jon padkreślivaŭ, što takija kaštoŭnaści nie pavinny znachodzicca tolki ŭ jeŭrapiejskich muziejach i pryvatnych kalekcyjach.
Pavodle novaha zakona, krainy pavinny aficyjna źviarnucca z prośbaj ab viartańni i harantavać, što pradmiety buduć zachoŭvacca i pakazvacca hramadstvu. Paśla hetaha śpiecyjalnaja kamisija budzie vyrašać, ci byli jany atrymanyja Francyjaj niezakonna abo siłaj.
Pry hetym zakon nie zakranaje niekatoryja katehoryi kaštoŭnaściaŭ, naprykład, vajskovyja pradmiety, dziaržaŭnyja archivy i častki archieałahičnych znachodak.
Niahledziačy na vynikovuju adnadušnuju padtrymku, padčas abmierkavańnia ŭźnikali sprečki nakont taho, na jaki pieryjad pavinny raspaŭsiudžvacca novyja praviły.
U apošni čas Francyja ŭžo pačała viartać asobnyja artefakty, naprykład, śviaščenny baraban, vyviezieny z Kot-dJIvuara ŭ 1916 hodzie.
Ciapier čytajuć
Chto toj zamiežnik, jaki zabiŭ žonku i zhvałtavaŭ padčarycu ŭ Dobrušy5
Chto toj zamiežnik, jaki zabiŭ žonku i zhvałtavaŭ padčarycu ŭ Dobrušy
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach77
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach7
«Kali i pryjedu ŭ Biełaruś, to ŭžo jak turyst». Arhienciniec chacieŭ zrabić biznes u Biełarusi, ale jaho vysłali za drabiazu. Ciapier dazvolili viarnucca, ale jość niuans22
Kamientary