Kiroŭca aŭtobusa sprabavaŭ uvieźci ŭ Biełaruś narkotyki pad vyhladam kansiervaŭ
Na biełaruska-polskaj miažy ŭ punkcie propusku «Brest» spynili sprobu ŭvozu bujnoj partyi narkotykaŭ. Pavodle infarmacyi mytnych orhanaŭ, zabaronienaje rečyva znajšli ŭ rečach kiroŭcy pasažyrskaha aŭtobusa.

Padazreńnie vyklikali niekalki kansiervavych blašanak z roznymi etykietkami — nibyta z makam i tušonkaj.
Padčas pravierki z dapamohaj renthiena vyśvietliłasia, što ŭnutry znachodziacca staronnija pradmiety. Kali blašanki adkryli, u ich znajšli polietylenavyja pakiety ź biełym paraškom.

Ekśpiertyza pakazała, što heta asabliva niebiaśpiečnaje psichatropnaje rečyva — miefiedron. Ahulnaja masa kanfiskavanaha skłała bolš za 2,3 kiłahrama.

Paźniej udałosia ŭstanavić i čałavieka, jakomu pryznačaŭsia hety hruz. Pa fakcie zaviali kryminalnuju spravu. Padazravanym pahražaje da 10 hadoŭ pazbaŭleńnia voli.
18‑hadovaja dziaŭčyna ŭ Breście pamierła ad pieradaziroŭki, było vyjaŭlena vosiem narkotykaŭ
U Varšavie biełarus vykidaŭ z akna roznyja pradmiety, jaho ŭtajmavała palicyja
U Minsku mužčyna pierakuliŭ u kramie dźvie skrynki vina, ale sudzić jaho buduć nie za heta
Biełarusa zatrymali na Bali z narkotykami: jamu pahražaje pažyćciovaje źniavoleńnie
U Minsku nieadekvatny mužčyna razhramiŭ dziciačy sad
Kamientary