Prodaž kvitkoŭ na matčy čempijanatu śvietu pa chakieju-2014, jaki z 9 pa 25 maja projdzie ŭ Minsku, možna budzie nabyć, pačynajučy ź vieraśnia. Ab hetym u čaćvier na pres-kanfierencyi paviedamili pradstaŭniki arhkamiteta budučaha suśvietnaha forumu.
Namieśnik dyrektara dyrekcyi pa praviadzieńni čempijanatu Alaksandr Ševiel zaznačyŭ: «My prasočvajem suviaź z rascenkami kvitkoŭ na hulni minskaha «Dynama» ŭ KCHŁ, jakija prachodziać u biełaruskaj stalicy, dzie, jak viadoma, dva hady ŭ «Minsk-Arenie» źbirajecca pa 15 tys. amal na kožny matč.
U matčach čempijanatu śvietu my nie płanujem vychodzić za siaredniuju canu hetych matčaŭ.Navat dla siaredniaha biełaruskaha zaŭziatara bilety na papiaredni raŭnd, na pačatak raŭnda płej-of (čverćfinały) buduć dastupnymi. Choć buduć i kvitki, za jakija daviadziecca zapłacić 300 jeŭra», — padkreśliŭ Alaksandr Ševiel.
Płanujecca, što samyja tannyja bilety na matčy čempijanatu śvietu-2014 pa chakieju buduć kaštavać 10 jeŭra.
Biletnaja prahrama, raspracavanaja da jaho praviadzieńnia, prachodzić ekśpiertyzu ŭ kamiercyjnaha partniora Mižnarodnaj fiederacyi chakieja (IICHF) - kampanii Infront
Kamientary