Rychtujecca zvarot u Minkultury z prapanovaj uklučyć ściah u Dziaržaŭny śpis historyka-kulturnych kaštoŭnaściaŭ.
Inicyjatyvy «BMAgroup», «Art Siadziba» i «Rok-salidarnaść» raspačali zbor podpisaŭ pad kalektyŭnym zvarotam u Ministerstva kultury. Jany prapanujuć uklučyć bieł-čyrvona-bieły ściah u Dziaržaŭny śpis historyka-kulturnych kaštoŭnaściaŭ.
Kab dałučycca da zboru podpisaŭ treba spampavać i razdrukavać adzinuju formu kalektyŭnaha zvarotu, zapoŭnić blanki i dasłać pa vyznačanym adrasie.
Inicyjatary prezentujuć kožnamu, chto źbiare podpisy pad zvarotam, dyski ź biełaruskaj muzykaj, cišotki z nacyjanalnaj symbolikaj, knihi dy inšyja padarunki.
Vyniki kampanii i kolkaść podpisaŭ buduć ahučanyja 27 lipienia.
Akcyja pravodzicca ŭ miežach kulturnickaj kampanii pa papularyzacyi nacyjanalnaj symboliki Biełarusi — bieł-čyrvona-biełaha ściaha i hierba «Pahonia». «BMAgroup» i «Art Siadziba» ŭžo praviali niekalki akcyjaŭ. Naprykład, 14 traŭnia, u hadavinu praviadzieńnia referendumu 1995 hodu, aktyvisty kampanii razdavali na vulicach Miensku znački i dyski ź biełaruskaj muzykaj.
Taksama byŭ vydadzieny dysk «Symbali viery i svabody», jaki možna spampavać na sajcie «Art Siadziby» ci tut: RAR (128 kbps, 90 Mb), RAR (320 kbps, 193 Mb).
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj26
Kamientary