Kamanda Hieorhija Kandraćjeva znoŭ nie zmahła adoleć Suomi.
Chaciełasia vieryć, što paraza ŭ Chielsinki prykraje nieparazumieńnie. I voś u Homieli ŭžo ŭsio stanie na svaje miescy. I źjeduć surovyja finy ŭ svaju paŭnočnuju krainu z «barankaj». Tym bolš biełarusam tak treba byli punkty ŭ baraćbie za treciaje miesca ŭ adboračnaj hrupie da čempijanata śvietu.
Pačatak matču jašče bolš abnadzieiŭ. Kandraćjeŭcy šyroka atakavali, vykarystoŭvali fłanhi (asabliva ščyravaŭ Kałačoŭ), navat u stvor bramy traplali. Ale bližej da siaredziny pieršaha tajma futboł skaciŭsia ŭ panyłuju rucinu, padobna toj, što była ŭ Finlandyi.
U adnoj ź niešmatlikich kontratak Ciejemu Puki pakaraŭ biełarusaŭ. Jon udaryŭ u blizki vuhał, a takija hały pryniata zapisvać na sumleńnie hałkipieraŭ. Što ž, Vieramko sapraŭdy nie vyratavaŭ.Ataki ŭ druhim tajmie byli schiematyčnymi i niecikavymi. Finy biez prablem adbivalisia. Vastryni amal nie ŭźnikała. Chiba što šalony ŭdar Trubiła pryjšoŭsia ŭ štanhu.
Hoł biełarusaŭ naradziŭsia dziakujučy indyvidualnamu majsterstvu. Cimoch Kałačoŭ — adzin z najlepšych dyśpietčaraŭ u rasijskaj Prem'
Kałačoŭ sa štrafnoha padaŭ, abaronca Vierchaŭcoŭ — zabiŭ. Vynik — 1:1.
Šancy biełarusaŭ padniacca z apošniaha miesca ŭ hrupie mizernyja: Ispanija — 11 punktaŭ, Francyja — 10, Finlandyja — 6, Hruzija, Biełaruś — pa 4.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary