«Hniłaja Jeŭropa»: kamientatary «Chartyi» krytykujuć rašeńnie ES źniać sankcyi z Makieja.
«Kohda Łukašienko obzyvał ich „biezjajcievami“ on znał čto hovorił».
«Vot i primier dvojnych standartov!»
«Jeŭropa vykarystoŭvaje nas u karyślivych metach».
«Jeŭrapiejcy vyzvalili pasłańnika djabła».
«Jeŭropie na nas naplavać».
«POLITIČIESKAJA PROSTITUCIJA V DIEJSTVII, JEVROKIDAŁOVO!!!, FU!!! Styd i pozor ES!!!, Priedatieli!!! Zachlebnitieś svoim bienzinom!!!»
Heta nie vystupy BT, a kamienty na «Chartyi'97». Stolki hrazi na adras Jeŭrasajuza tut apošni raz vykazvali ŭ časie vizitu Dali Hrybaŭskajcie ŭ Minsk u 2010 hodzie. Heta kamienty na adras taho samaha Jeŭrasajuza, jaki daŭ prytułak palityčnym uciekačam ź Biełarusi. Dapamahaje hramadzianskaj supolnaści, u tym liku i «Chartyi».
Jeŭrapiejskija dypłamaty ŭ kułuarach tłumačyli hatoŭnaść źniać sankcyi z Uładzimira Makieja žadańniem dać Minsku mahčymaść zrabić niejki pazityŭny krok u adkaz. Pad takim krokam razumiejuć najpierš vyzvaleńnie palityčnych praciŭnikaŭ režymu i nieeskałacyju napružanaści ŭ adnosinach. Makieja hatovy puścić na samit Uschodniaha partniorstva ŭ Vilniu, kab nie adšturchnuć Biełarusi ŭvohule.
Prychilniki ruchu «Jeŭrapiejskaja Biełaruś» miarkujuć, što tolki žorstkija sankcyi, pazicyja siły moža źmianić niešta ŭ losach Biełarusi.
U toj ža čas u Jeŭropie daminuje mierkavańnie, što Biełaruś trapiła ŭ bieznadziejnuju zaležnaść ad Rasii. Nastolki bieznadziejnuju, što praces skončycca na peŭnym etapie dojdzie da adchileńnia Maskvoj ad ułady navat samoj siamji Alaksandra Łukašenki, jaki intehracyju z Rasijaj raspačaŭ.
«Siońnia Jeŭropa nie budzie luboj canoj, za vušy vyciahvać biełaruskija ŭłady z abdymkaŭ Maskvy, — miarkuje polski analityk Kamil Kłysinski. — Z uładaj treba kantaktavać, ale nadziei jaje pieravychavać naiŭnyja. Usio, što moža Zachad, — heta arhanizoŭvać jak maha bolš prajektaŭ z hramadzianskaj supolnaściu, padtrymlivać apazicyju, pavialičvać u hramadstvie dolu prajeŭrapiejska nastrojenych ludziej».
Pry takoj łohicy rašeńnie ŭpuścić Makieja nasamreč aznačaje, što ŭ biełaruskaj palitycy ES ničoha nie mianiajecca.
Ciapier čytajuć
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary