Bar na 1000 naviednikaŭ adkryŭsia ŭ budynku zavoda «Haryzont» u Minsku - foty

Miehabar adkryŭsia na vulicy Kisialova, 12. Uładalniki nazyvajuć Blackhall Bar party-baram, «stvoranym, kab ździŭlać ludziej».

Uvachod u Blackhall Bar raźmieščany niedaloka ad płoščy Pieramohi: pa vulicy Kisialova treba prajści ŭsiaho kvartał. Ciapier tut zamiest zavodskaha cecha raźmieščany vializny, padobny na piačoru chab: za čatyrma barnymi stojkami z 17:00 da 9:00 pracujuć 13 barmenaŭ. U siaredzinie adnoj z barnych stojek znachodzicca scena i dydžejski pult: dydžei i kavier-bendy hrajuć tut usie 7 dzion u tydzień, i na takija viečary i nočy ŭvachod biaspłatny. Pa piatnicach i subotach z 23:00 da 03:00 za ŭvachod pryjdziecca zapłacić i prajści bolš žorstki fejs-kantrol. Dla takich BHB rarties stvaralniki pryvoziać rasijskich i zamiežnych pop-vykanaŭcaŭ i ładziać šou-prahramy.

— Kancepcyja ustanovy vielmi prostaja, — kaža zasnavalnik bara Vieras Akulin. — Bar stvaraŭsia, kab ździŭlać ludziej. Heta vialiki party-bar ź vielmi dobraj kuchniaj. Usie servisy pracujuć z 5-j viečara da 9 ranicy — nie moža być, kab kuchnia nie pracavała abo čahości z zajaŭlenaha ŭ mieniu nie było.

— Kali my pradumvali dyzajn interjeru, całkam vypadkova źviarnulisia da łamanych linij i piačornaj tematyki. Hulnia śviatła daje dziŭny efiekt — pierałamleńnie i źmienu hieamietryi prastory. Heta pryviało nas da asacyjacyi z čornaj dzirkaj. Tym bolš što daminujučym koleram u interjery i brendbuka byŭ abrany čorny. Mienavita tak źjaviłasia nazva Blackhall — čornaja dzirka, čorny choł kali chočacie. Hulnia słoŭ i faktur.

Pasadačnych miescaŭ tut 130, ale pryniać bar moža da 1000 čałaviek. Padčas viečarynak barnyja kresły nie praduhledžanyja, ale ŭ viečarovy čas jany stajać.

— Našy barmeny pracujuć na vielmi vysokim uzroŭni. My svaimi barmenami hanarymsia, jany ŭsio ŭ nas jašče i tančać: kali ŭ 1:00 nočy hrajuć naš himn, to ŭvieś piersanał, usie aficyjanty i barmeny tančać firmovy taniec.

Naša Koktiejlnaja liniejka dzielicca na dźvie častki: bahataja karta kłasičnych kaktejlaŭ i tak zvanyja «kłubnyja». Taksama my ŭviali katehoryju «Big size» — kaktejli dla vialikich kampanij, i šou-kaktejli.

U mieniu Long-Island XXl (3,5 ł) kaštuje 1 500 000 rub., Standartny kasmapolitan — 90 000 rub., Marharyta — 115 000 rub., Old-fashioned — 185 000 rub.

Burhier z kurynym file, sousam kary i bulbaj fry kaštuje tut 80 000 rub., burhier ź siečanaj jałavičynaj, džemam ź biekonu, kietčupam i bulbaj fry — 90 000 rub., stejk «Šatabryjan» z dvuma sousami — «arhientynskim» i «čymičury «- 390 000 rub., chatnija hałubcy ź jałavičyny z pšaničnymi krupami i z chatniaj śmiatanaj — 120 000 rub. U mieniu jość i raździeł z sušy: siakie maki kaštujuć 90 000 rub., takura maki (haračyja maki z vuhrom) — 150 000 rub.

• 0
• 0
• 0
• 0
• 0
• 0
• 0
• 0