Pajezdka na samakacie abyšłasia minčancy ŭ 16 tysiač dalaraŭ — stolki daviadziecca patracić na zuby
Dziaŭčyna pieralacieła praz rul elektrasamakata i ŭdaryłasia ab vuhał terasy zubami.
Niepryjemnaje zdareńnie ź Irynaj Vajnickaj adbyłosia jašče ŭ červieni 2024 hoda. Razam ź siabroŭkami jana špacyravała ŭ centry Minska. Kali sabrałasia dadomu, to ŭziała samakat.
«Ja była ŭ samym centry horada, na vulicy Internacyjanalnaj, tam, dzie staić dadatkovaje abmiežavańnie na maksimalnuju chutkaść, i dalej ja padskočyła na jamcy, na vybainie, straciła kiravańnie, i tam była terasa», — raskazała jana ŭ efiry ANT pra toje padzieńnie.
Dziaŭčyna pieralacieła praz rul elektrasamakata i ŭdaryłasia ab vuhał terasy zubami. Paciarpieŭ uvieś piaredni rad zuboŭ, plus dva zuby vypali. Nastupnaja apieracyja doŭžyłasia siem hadzin.
«Zuby vyjšli vonki i ich upraŭlali nazad, i dla fiksacyi nakładvali mietaličnuju šynu. Adzin zub ja straciła ŭ tuju ž noč, biez mahčymaści jaho viarnuć, jašče adzin zub straciła praź miesiac, bo, niahledziačy na šynu, niahledziačy na ŭsie namahańni, na žal, jon nie pryžyŭsia».
Šeść tysiač dalaraŭ na zuby Iryna ŭžo vydatkavała, i jašče dziesiać tysiač spatrebiacca, pa jaje padlikach.
Sama ž dziaŭčyna zmahła ŭspryniać situacyju z humaram i viadzie błoh pra svajo adnaŭleńnie.
Kamientary