2 vieraśnia mienskija maładafrontaŭcy j aktyvisty arhkamitetu Biełaruskaj chryścijanskaj demakratyi ładzili pikiety pa zbory podpisaŭ u abaronu carkvy Śviatoha Jazepa kala ŭsich staličnych katalickich parafijaŭ.
Kožnuju niadzielu maładyja chryścijanskija demakraty pravodziać u haradoch Biełarusi pikiety pa zbory podpisaŭ u abaronu carkvy Śviatoha Jazepa a taksama za źmienu zakonu ab relihijnych arhanizacyjach. Nahadajem, što apošniuju padpisnuju kampaniju arhkamitet chryścijanska‑demakratyčnaj partyi abviaściŭ jašče ŭ siaredzinie krasavika.
2 vieraśnia mienskija maładafrontaŭcy j aktyvisty arhkamitetu Biełaruskaj chryścijanskaj demakratyi ładzili hetkija pikiety kala ŭsich staličnych katalickich parafijaŭ.
«Hetaj akcyjaj my nie tolki praciahvajem zmahańnie za Klaštar bernardynaŭ i kaścioł na vulicy Kiryły i Miafodzija, ale i danosim infarmacyju pra mahčymuju pierabudovu śviatyni nad hatelny kompleks da viernikaŭ, jakija ŭ bolšaści svajoj viedajuć pra prablemu, ale absalutna joj nie cikaviacca», — kaža maładafrontaŭka Taćciana.
Dzianis, aktyvist BCHD, raspaviadaje pra prablemy, ź jakimi sutykajucca zborščyki podpisaŭ:
«Kataliki aktyŭna ŭdzielničajuć u kampanii, časam navat śviatary sami nam ŭ hety dapamahajuć. Z pravasłaŭnaj carkvoj my majem troški horšyja stasunki, bo bolšaść słužycielaŭ hetaje kanfesii zaŭždy prytrymlivajucca praŭładnaj palityki carkvy. Choć byvaje i tak, što nas vielmi ciopła prymajuć i achvotna padpisvajucca, pry hetym prosiać nikomu pra heta nie kazać».
Małady katalik Alaksiej dadaje, što zvyčajna ani milicyja, a ni inšyja orhany nie pieraškadžajuć padpisnoj kampanii, adnak chłopiec zaznačaje, što ŭ rehijonach usio ž byvali vypadki, kali ŭłady, bajučysia takoj aktyŭnaści viernikaŭ, cisnuli na aktyvistaŭ kampanii.
Na siońniašni dzień chryścijanskija demakraty sabrali užo kala tryccaci tysiačaŭ podpisaŭ. Za vierasień hetuju ličbu planujecca pavialičyć da piacidziesiaci.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć39
Kamientary