Z-za śviatkavańnia Chryščeńnia Rusi ŭ Minsku istotna abmiažujuć, a to i pierakryjuć ruch transpartu
U suviazi z prybyćciom u Minsk delehacyi pravasłaŭnaj carkvy razam z Patryjarcham Maskoŭskim i ŭsioj Rusi Kiryłam, a taksama masavymi liturhijami, jakija źbiaruć tysiačy viernikaŭ, u Minsku na asobnych učastkach budzie abmiežavany ruch i zabaroniena stajanka transpartnych srodkaŭ.
Tak, u suviazi z prybyćciom u Minsk delehacyi Eładskaj pravasłaŭnaj carkvy z 23.00 da 24.00 27 lipienia buduć častkova abmiežavany ruch i parkoŭka aŭtamabilaŭ u rajonie Pryvakzalnaj płoščy.
Z viečara 28 lipienia na praśpiekcie Mašerava na ŭčastku ad vuł. Cimirazieva da vuł. Daŭmana budzie abmiežavanaja parkoŭka transpartu, u tym liku na prylehłych stajankach. Heta źviazana z prybyćciom arhanizavanych kałon viernikaŭ z abłaściej Biełarusi. Chutkaść na hetym učastku budzie źnižana da 40 km u hadzinu, tamu prapusknaja zdolnaść budzie značna źnižana.
29 lipienia ŭ suviazi z dastaŭkaj kryža apostała Andreja ŭ prychod Usich śviatych, pa vuł. Kalinoŭskaha i vuł. Usichśviackaj budzie časova abmiažoŭvacca ruch. Na hetych vulicach až da
Chrosny chod zapłanavany na 29 lipienia z 7.30 da 9.30 ranicy ad chrama śviatoj Maryi Mahdaliny (vuł. Kisialova, 42) pa pr. Mašerava ŭ bok pr. Pieramožcaŭ i da Zamčyšča (kala Pałaca sportu). Kałona viernikaŭ budzie ruchacca pa chodnikach pa pr. Pieramožcaŭ ad pr. Mašerava da Pałaca sportu.
Tamu ź viečara 28 lipienia da viečara 29 lipienia buduć zakrytyja stajanki, prylehłyja da Pałaca sportu, a taksama budzie abmiežavanaja parkoŭka ŭzdoŭž vuł. Mielnikajte ad vuł. Zasłaŭskaj da pr. Pieramožcaŭ.
Taksama z nočy 28 lipienia da viečara 29 lipienia budzie zabaronieny prypynak i stajanka transpartu ŭ miascovych prajezdach da vulic Kisialova i Zacharava ŭ rajonie pł. Pieramohi. U druhoj pałovie dnia 29 lipienia budzie abmiežavanyja prypynak i stajanka transpartu ŭ rajonie Pryvakzalnaj płoščy, a taksama budzie časova abmiežavany ruch.
Dla inšaharodnich i zamiežnych haściej, jakija prybyvajuć u pryvatnym paradku, stajanka aŭtamabilaŭ budzie biaspłatna arhanizavana na vuł. Cimirazieva na terytoryi handlovaha doma «Ždanovičy».
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary