U Biełarusi lehalizujuć pasłuhi haražnaha aŭtaservisu. Adpaviedny ŭkaz № 432 «Ab uniasieńni dapaŭnieńniaŭ i źmianieńniaŭ va Ukaz Prezidenta Respubliki Biełaruś ad 28 studzienia 2008 h. № 43» Alaksandr Łukašenka padpisaŭ 17 vieraśnia.
«Ukaz nakiravany na lehalizacyju akazańnia pasłuh aŭtaservisu ŭ haražnych kaapieratyvach i ŭzmacnieńnie adkaznaści za niezakonnuju dziejnaść u hetaj śfiery», — prainfarmavali ŭ pres-słužbie.
Sa zhody ahulnaha schodu haražnaha kaapieratyva abo schodu ŭpaŭnavažanych členam hetych kaapieratyvaŭ, zarehistravanym u jakaści indyvidualnych pradprymalnikaŭ, dazvalajecca akazvać pasłuhi pa techničnym absłuhoŭvańni i ramoncie transpartnych srodkaŭ (z technična dapuščalnaj ahulnaj masaj nie bolšaj za 3,5 t) u haražy, pieraabstalavanym u majsterniu.
Paradak akazańnia pasłuh pa techničnym absłuhoŭvańni i ramoncie transpartnych srodkaŭ u majsterniach, raźmieščanych na terytoryi haražnych kaapieratyvaŭ, vyznačajecca Savietam Ministraŭ.
«Ukaz vyznačaje krynicy pakryćcia strat, pryčynienych paškodžańniem majomaści kaapieratyva ŭ vyniku ažyćciaŭleńnia niezakonnaj pradprymalnickaj dziejnaści pa techničnamu absłuhoŭvańniu i ramontu transpartnych srodkaŭ abo dziejnaści z parušeńniem techniki biaśpieki. Pryčynieny ŭron pavinien kampiensavacca ŭłaśnikam majsterni abo asobaj, jakaja jaho pryčyniła», — adznačyli ŭ pres-słužbie.
Za niezakonnuju pradprymalnickuju dziejnaść pa techničnym absłuhoŭvańni i ramoncie transpartnych srodkaŭ na terytoryi haražnaha kaapieratyva ŭłaśnik haraža rašeńniem ahulnaha schodu moža być vyklučany sa składu členaŭ haražnaha kaapieratyva.
Ukaz ustupaje ŭ siłu z 1 listapada 2013 hoda. Haražnyja kaapieratyvy ŭ šaścimiesiačny termin pavinny pryvieści svaje statuty ŭ adpaviednaść z ukazam.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii3
Kamientary