Žychary Biełarusi pa-raniejšamu addajuć pieravahu zachavańniu hrošaj u zamiežnaj valucie, adznačyła staršynia praŭleńnia Nacyjanalnaha banka Nadzieja Jermakova padčas anłajn-kanfierencyi na sajcie BiełTA 18 vieraśnia.
«Sapraŭdy, analiz struktury pryciahnutych srodkaŭ śviedčyć ab tym, što nasielnictva addaje pieravahu nasielnictva rabić bankaŭskija źbieražeńni ŭ zamiežnych valutach. Udzielnaja vaha takich źbieražeńniaŭ u ahulnym abjomie pryciahnutych srodkaŭ hramadzian na 1 vieraśnia 2013 skłała 65,7% suprać 66,2% na 1 žniŭnia 2013 hoda» , — paviedamiła Jermakova.
Pavodle jaje słoŭ, pierakos na karyść valutnych depazitaŭ i pavyšany popyt na valutu siarod nasielnictva, jaki naziraŭsia ŭ červieni — lipieni hetaha hoda, byli źviazany z devalvacyjnymi čakańniami nasielnictva. Jany, u svaju čarhu, byli vyklikanyja paharšeńniem situacyi ŭ źniešnim handli i naminalnym źnižeńniem stavak na depazitnym rynku. «Akramia taho, zrabiła ŭniosak i siezonnaść, źviazanaja ź pieryjadam adpačynkaŭ», — zaŭvažyła Jermakova.
Pavyšeńnie popytu na valutu z boku nasielnictva akazała nie tolki dadatkovy cisk na abmienny kurs, ale i adbiłasia na stanie rublovaj likvidnaści bankaŭ, padkreśliła kiraŭnik Nacbanka.
Pa słovach Nadziei Jermakovaj, «pryniatyja Nacyjanalnym bankam apieratyŭnyja zachady pa pavyšeńni stavak na hrašovym rynku dali stanoŭčy vynik, adnak naziranaje ŭ žniŭni palapšeńnie situacyi było niedastatkova ustojlivym, i ŭžo ŭ pačatku vieraśnia pieratok rublovych układaŭ u valutnyja depazity adnaviŭsia».
«Heta zapatrabavała dadatkovych mier z boku Nacyjanalnaha banka, u tym liku pa dalejšym pavyšeńni dachodnaści rublovych depazitaŭ», — kanstatavała kiraŭnik Nacbanka.
«U metach stvareńnia ŭmoŭ dla padtrymańnia pryciahalnaści zachoŭvańnia nasielnictvam źbieražeńniaŭ u nacyjanalnaj valucie banki krainy prapanujuć dosyć šyroki śpiektr takich układaŭ z roznymi terminami i ŭmovami zachoŭvańnia, dajuć źnižki i bonusy pa bankaŭskich praduktach z praciahłymi terminami raźmiaščeńnia, pravodziać roznyja akcyi i rozyhryšy pryzoŭ pa ich dy inš.», — adznačyła Nadzieja Jermakova.
Kamientary