U čaćvier, 10 kastryčnika, pad upłyvam vobłaści pavyšanaha atmaśfiernaha cisku ŭ Biełarusi zachavajecca ŭmierana ciopłaje nadvorje. Minimalnaja tempieratura pavietra nočču +4 .. +10°C, maksimalnaja dniom +12 .. +17°C. U bolšaści rajonaŭ krainy apadki małavierahodnyja, tolki dniom pa zachadzie, z nabližeńniem małaaktyŭnaha atmaśfiernaha frontu, miescami projduć nievialikija daždžy. Nočču i ranicaj u asobnych rajonach tuman. Viecier zachodni ŭmierany. Atmaśfierny cisk istotna nie źmienicca.
U piatnicu 11 kastryčnika, upłyŭ małaaktyŭny frantalnaha padziełu budzie adbivacca tolki dniom u paŭnočna-ŭschodnich rajonach , dzie i projduć nievialikija daždžy. Na astatniaj terytoryi apadki małavierahodnyja. Nočču i ranicaj miescami tuman. Tempieraturny fon zastaniecca bieź źmienaŭ minimalnaja nočču +5 .. +10°C, maksimalnaja dniom +12 .. +18°C.
U subotu 12 kastryčnika, pad upłyvam pola pavyšanaha atmaśfiernaha cisku apadki pa krainie małavierahodnyja. Nočču i ranicaj miescami tuman. Viecier budzie mianiacca z paŭdniovaha na paŭnočny, što pačnie adbivacca na tempieraturnym fonie : minimalnaja nočču +5 .. +10°C, u paŭnočnych rajonach +1 .. +4°C, maksimalnaja dniom budzie vahacca ad +9°C pa paŭnočnym uschodzie da +18°C pa paŭdniovym zachadzie krainy.
Kamientary