Hurt siaredniaviečnaj muzyki «Stary Olsa» vypuskaje novy albom «Santa Maria». Kancertnaja prezientacyja dysku adbudziecca 17 listapada ŭ Minsku.
Praca nad novym albomam viałasia na praciahu apošnich troch hod. Za hety čas u žyćci hurtu adbyłosia šmat padziej: studyja, na jakoj pačynaŭsia zapis, zhareła i užo nie isnuje, paśpieŭ syści i viarnucca ŭ hurt bubnač Andrej Apanovič, a ŭ druhoha bubnača — Siarhieja Tapčeŭskaha — naradziŭsia syn.
— Zvyčajna my robim novy materyjał i hrajem jaho pieravažna za miežami Biełarusi, a potym adpraŭlajemsia u studyju. Tak było i z novym albomam, — raspaviadaje lutnist hurta Illa Kublicki. — Ja liču, što atrymaŭsia dobry siaredniaviečny rok-n-roł. Na albomie jość drajv, impravizacyja, ale ŭsio syhrana na aŭtentyčnych instrumientach. Usie kampazicyi abjadnoŭvaje adno — heta chity epochi Siaredniaviečča i Reniesansa Vialikaha Kniastva Litoŭskaha i Zachodniaj Jeŭropy.
U albom «Santa Maria» uvajšli 13 kampazicyj. Heta tancy sa zbornika «Połacki sšytak», tancavalnyja tvory kampazitaraŭ, jakija žyli na terytoryi Vialikaha Kniastva Litoŭskaha i dźvie pieśni XIII i XIV stahodździaŭ, jakija prahučać u pierakładzie na biełaruskuju movu z łaciny.
Upieršyniu pradusarami alboma stali sami ŭdzielniki hurtu «Stary Olsa».
Prezientacyja dysku adbudziecca 17 listapada ŭ DK MAZ (pr. Partyzanski 117a).
— Na kancercie prahučyć nie tolki novy materyjał, ale i najlepšyja tvory ź minułych albomaŭ, a taksama niekalki piesień z budučaha alboma, — dadaje Illa Kublicki.
Pačatak kancerta — a 19.00. Kvitki: 70 000–120 000. Kvitki možna nabyć u kasie DK MAZ, u pierachodzie st. mietro pł. Jakuba Kołasa, a taksama va ŭsich kasach kvitki.by i ticketpro.by. Daviedki: +375 29 6490888.
Kamientary