Vyniki pracy Mabilnaj biblijateki MTS: lidary Top-10 — Bykaŭ, Harecki, Rubleŭskaja i Kołas
Mabilny apieratar MTS padvioŭ vyniki pieršaha tydnia pracy «Mabilnaj biblijateki» na Płoščy Jakuba Kołasa. Naviedvalniki zahruzili na mabilnyja pryłady bolš za 36 tysiač knih, a aŭdytoryja virtualnaj čytalnaj zały pieravysiła 4 700 čałaviek.
Lidarami pa kolkaści zapampovak siarod pradstaŭlenych na virtualnych stełažach tvoraŭ stali knihi zamiežnych i biełaruskich aŭtaraŭ, jak sučasnych, tak i kłasikaŭ.
Samaj papularnaj, pavodle viersii žycharoŭ i haściej Minska, stała anhlijskaja paetka i ramanistka Šarłota Bronte. Taksama pryciahnuŭ uvahu minskich knihačytaŭ amierykanski fantast Rej Bredbiery.
Prykładna adnolkavuju papularnaść zavajavali Hiote, Uajld, Uełs i Hamier. Suzorje zamiežnych kłasikaŭ paśpiachova dapoŭnili i biełaruskija proźviščy, paviedamlaje pres-słužba MTS: aŭdytoryja «Mabilnaj biblijateki» addaje pieravahu tvoraŭ Vasila Bykava, Maksima Hareckaha, Jakuba Kołasa i Ludmiły Rubleŭskaj.
Pa vynikach čytackaj aktyŭnaści sfarmavaŭsia TOP -10 papularnych knih «Mabilnaj biblijateki» MTS:
Šarłota Bronte «Džen Ejr»;
Rej Duhłas Bredbiery «Vino ź dźmuchaŭcoŭ»;
Johan Volfhanh fon Hiote «Faŭst»;
Vasil Bykaŭ «Alpijskaja bałada»;
Maksim Harecki «Dźvie dušy»;
Hierbiert Uełs «Vajna śvietaŭ»;
Oskar Uajld «Partret Daryana Hreja»;
Hamier «Adysieja»;
Ludmiła Rubleŭskaja «Avantury Pranciša Vyrviča, škalara i špieha»;
Jakub Kołas «Vybranyja tvory».
Virtualnaja čytalnaja zała z tvorami biełaruskaj i zamiežnaj litaratury praciahnie pracu ŭ Minsku na płoščy Jakuba Kołasa da 17 listapada.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1818
Kamientary