ZŠA hatovyja akazać Ukrainie značnuju padtrymku ŭ vypadku padpisańnia krainaj Pahadnieńnia ab asacyjacyi ź ES, zajaviŭ pasoł ZŠA ŭ Ukrainie Džefry Pajet. Hetuju zajavu možna razhladać jak reakcyju na pahrozy Rasii abmiežavać handal z Ukrainaj u vypadku jaje dalejšaha zbližeńnia ź Jeŭropaj.
«Kali ŭkrainski ŭrad prymie rašeńnie ruchacca dalej pa šlachu padpisańnia hetaha pahadnieńnia, to, ja ŭpeŭnieny, z boku ZŠA budzie mocnaja padtrymka», — zajaviŭ pasoł ZŠA na pres-kanfierencyi ŭ Dnieprapiatroŭsku ŭ sieradu.
Jon upeŭnieny, što padpisańnie pahadnieńnia abiacaje vialikija pierśpiektyvy Ukrainie.
Na jahonuju dumku, padpisańnie Damovy ź ES dazvolić Ukrainie najlepšym čynam realizavać svoj ludski i pryrodny patencyjał.
Dypłamata ŭraziŭ tavarazvarot pamiž ZŠA i Dnieprapiatroŭskaj vobłaściu, jaki składaje amal miljard dalaraŭ.
Mienavita z Dnieprapiatroŭska pachodziać Leanid Kučma i Julija Cimašenka. Dnieprapiatroŭskaja vobłaść — heta centr ukrainskaj avijacyjnaj i kaśmičnaj pramysłovaści, jakija mohuć paciarpieć najmacniej u vyniku razryvu haspadarčych suviaziaŭ z Rasijaj.
Kamientary