Alaksandr Łukašenka 28 listapada padpisaŭ ukaz №527 «Ab pytańniach stvareńnia i prymianieńnia sistemy videanazirańnia ŭ intaresach zabieśpiačeńnia hramadskaha paradku».
Jak paviedamlaje pres-słužba, dakumient pryniaty «ŭ metach zabieśpiačeńnia hramadskaha paradku, u tym liku pry praviadzieńni čempijanatu śvietu pa chakiei 2014 hoda ŭ Minsku, i rehłamientuje pytańni stvareńnia i prymianieńnia sistemy videanazirańnia ŭ miescach masavaha znachodžańnia hramadzian».
Da hetaj sistemy videanazirańnia dla atrymańnia videasihnału ŭ režymie realnaha času majuć prava padklučeńnia pravaachoŭnyja orhany, orhany i padraździaleńni pa nadzvyčajnych situacyjach dla vykanańnia zadač prafiłaktyki, vyjaŭleńnia (raskryćcia) i spynieńnia złačynstvaŭ, inšych pravaparušeńniaŭ, a taksama praduchileńnia i likvidacyi nadzvyčajnych situacyj.
Adnačasova vyznačany pravy i abaviazki ŭsich zacikaŭlenych dziaržaŭnych orhanaŭ (arhanizacyj), subjektaŭ haspadarańnia pry ŭstanoŭcy i dalejšym funkcyjanavańni, utrymańni, absłuhoŭvańni elemientaŭ sistemy videanazirańnia.
Ukaz nabyvaje moc paśla jaho aficyjnaha apublikavańnia.
Kamientary