Dasiahnuta damoŭlenaść ab prodažy akcyj Zavoda kołavych ciahačoŭ rasiejcam
Dasiahnuta damoŭlenaść ab prodažy pakieta akcyj AAT «Minski zavod kołavych ciahačoŭ» rasijskamu inviestaru, paviedamili ŭ pres-słužbie ŭrada pa vynikach pasiadžańnia Prezidyuma Savieta Ministraŭ 17 śniežnia.
Napiaredadni pieršy vice-premjer Uładzimir Siamaška prainfarmavaŭ ab praviedzienaj u 2013 hodzie rabocie pa realizacyi piaci intehracyjnych pramysłovych prajektaŭ z Rasijskaj Fiederacyjaj. Heta prajekty adkrytych akcyjaniernych tavarystvaŭ «MAZ», «Intehrał», «Pielenh», «Hrodna Azot», «MZKC».
U pryvatnaści, było adznačana, što dasiahnuty damoŭlenaści ab prodažy pakieta akcyj AAT «MZKC» rasijskamu inviestaru pa vynikach praviadzieńnia dadatkovaj emisii akcyj, jakija raźmiaščajucca pa rynkavym košcie. Atrymanyja srodki pradpryjemstva płanuje nakiravać na madernizacyju i techničnaje pieraasnaščeńnie.
Realizacyja prajekta płanujecca ŭ 2014 hodzie. Bakami vyznačany paradak raźvićcia pierśpiektyŭnaha madelnaha šerahu dvuch pradpryjemstvaŭ, sumiesnaha stvareńnia novaha pakaleńnia hidramiechaničnych tranśmisij ź finansavańniem hetaha prajekta za košt srodkaŭ biudžetu sajuznaj dziaržavy.
«Roznyja mahčymyja varyjanty supracoŭnictva napracavany taksama ŭ chodzie pieramoŭnaha pracesu ab paradku i ŭmovach realizacyi prajekta pa intehracyi AAT «Pielenh» u strukturu Fiederalnaha kaśmičnaha ahienctva Rasii», — dadali ŭ pres - słužbie ŭrada. Zaviaršyć realizacyju hetaha prajekta płanujecca ŭ 2014 hodzie.
MZKC — adno z najbolšych abaronnych pradpryjemstvaŭ.
Jano vyrablaje ciahačy, jakija vykarystoŭvajucca ŭ tym liku ŭ rakietnych vojskach. Pradukcyja zbolšaha aryjentavanaja na patreby rasijskaj armii. Rasija daŭno dabivałasia ŭdziełu ŭ MZKC.
Z paviedamleńnia pres-słužby ŭrada niajasna, idzie havorka ab minarytarnym ci kantrolnym pakiecie akcyj.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć39
Kamientary