Prezident Litvy: Palityčnamu dyjałohu ź Biełaruśsiu pieraškadžajuć hrubyja parušeńni pravoŭ čałavieka
U aŭtorak pasoł Biełarusi ŭ Litvie Alaksandr Karol uručyŭ davierčyja hramaty prezidentu Dali Hrybaŭskajcie.
Hrybaŭskajcie padkreśliła, što pamiž krainami viadziecca kanstruktyŭny dvuchbakovy ekanamičny dyjałoh, asabliva ŭ halinach transpartu i handlu.
«Adnak, pa słovach prezidenta, palityčnamu dyjałohu pieraškadžajuć hrubyja parušeńni pravoŭ čałavieka i svabody presy, pieraśled palityčnych apanientaŭ u Biełarusi.
Kab abnavić palityčnyja suviazi ź Litvoj i ŭsim Jeŭrasajuzam (ES), Biełaruś pavinna adpuścić na svabodu i reabilitavać palityčnych viaźniaŭ», — havorycca ŭ pres-relizie prezidenckaha aparata.
Z pasłom taksama išła havorka ab padpisanym u 2010 hodzie Litvoj i Biełaruśsiu pahadnieńni ab sproščanym pierasiačeńni miažy žycharami pamiežnych terytoryj abiedźviuch krain. Kab heta pahadnieńnie ŭstupiła ŭ siłu i kab žycharam prymiežnych rajonaŭ było lahčej pierasiakać miažu, treba aficyjnaje paćviardžeńnie hatoŭnaści Biełarusi prymianiać hety paradak. Litva ŭžo vykanała ŭsie nieabchodnyja dla hetaha farmalnaści.
Na sustrečy abmiarkoŭvałasia i pytańnie ab Biełaruskaj AES, jakaja budujecca pablizu miažy ź Litvoj u Astraŭcy.
Litva patrabuje, kab joj była pradastaŭlena padrabiaznaja infarmacyja ab hetym prajekcie, kab była zaprošanaja misija MAHATE dla acenki astravieckaj placoŭki i inšych placovak dla budaŭnictva AES i kab byli praviedzieny publičnyja słuchańni ŭ Vilni.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary