Indeks spažyvieckich cen na tavary i pasłuhi (inflacyja) u Biełarusi ŭ studzieni 2014 hoda ŭ paraŭnańni sa śniežniem 2013 hoda vyras na 1,6%, paviedamili ŭ pres-słužbie Nacyjanalnaha statystyčnaha kamiteta.
Ceny na charčovyja tavary ŭ studzieni 2014 hoda ŭ paraŭnańni sa śniežniem 2013 hoda vyraśli na 2,3%. Bolš za ŭsio ŭ studzieni ŭ paraŭnańni z papiarednim miesiacam padaražeła aharodnina — na 14,6%, bulba — na 9%, tytuniovyja vyraby — na 15,9%, ałkaholnyja napoi — na 4,5%, makaronnyja vyraby — na 3,1%. U toj ža čas nazirałasia padzieńnie cen na jajki i cukar — na 0,1%.
Ceny na niecharčovyja tavary ŭ studzieni ŭ paraŭnańni sa śniežniem pavialičylisia na 0,6%. Bolš za ŭsio ŭ studzieni padaraželi miedykamienty i sintetyčnyja myjnyja srodki — na 1%, viełasipiedy i matacykły, budmateryjały — na 0,9%.
Ceny i taryfy na płatnyja pasłuhi pavysilisia za miesiac na 1,6%. Bolš za ŭsio ŭ studzieni padaraželi pasłuhi ŽKH — na 2,8%, u tym liku hazazabieśpiačeńnia — na 3,3%, aciapleńnia — na 10,5%, čyhunačnaha transpartu ŭ mižnarodnych pieravozkach — na 5,2%, teatraŭ — na 6,6%, kinazałaŭ — na 2,9%, miedycynskija — na 2,8%, sanatorna-kurortnyja — na 3,3%. U toj ža čas pasłuhi kancertnych załaŭ stali tańniejšyja na 5,9%, turystyčnyja — na 0,8%.
Aficyjny hadavy prahnoz inflacyi składaje 11%.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran
Kamientary