Parubij: Sproby realizavać padobny da krymskaha scenar u inšych abłaściach Ukrainy ŭdałosia spynić
Sakratar SNBA Andrej Parubij zajaŭlaje, što zamiežnyja śpiecsłužby mieli namier realizavać scenar, padobny da krymskaha, u inšych rehijonach Ukrainy, ale hetyja sproby ŭdałosia spynić.
«Jość infarmacyja, što scenar, jaki raspracavany zamiežnymi śpiecsłužbami, pavinien byŭ realizoŭvacca taksama na terytoryi inšych abłaściej Ukrainy. Ale my jaho łakalizavali ŭ Krymie, i ja dumaju, što my prymiem chutkija i dziejsnyja miery, kab łakalizavać całkam», - skazaŭ jon na bryfinhu.
A.Parubij paviedamiŭ, što havorka idzie pra centralnyja i ŭschodnija vobłaści krainy, dla niedapuščeńnia takoha scenaru surjozna pavyšanaja achova adminbudynkaŭ i važnych infrastrukturnych abjektaŭ.
Jon adznačyŭ, što ŭkrainskaja armija nie moža być pryciahnutaja da vyrašeńnia situacyi, tak jak u krainie nie ŭviedziena vajennaje stanovišča.
Pakul situacyju ŭ Krymie sprabujuć łakalizavać pravaachoŭniki, unutranyja vojski i inšyja padraździaleńni, rastłumačyŭ A.Parubij.
Kamientary