Pra heta ŭ intervju Hramadskamu TV zajaviŭ były daradca Pucina Andrej Iłaryjonaŭ.
«Krym — heta dla advodu vačej, skazaŭ jon. — Hałoŭnaja meta — źviaržeńnie ŭłady ŭ Kijevie, skazaŭ jon. — Pračytajcie zvarot Pucina da Savieta Fiederacyi, tam havorycca: … na padstavie punkta «h» častki 1 artykuła 102 Kanstytucyi Rasijskaj Fiederacyi ŭnošu ŭ Radu Fiederacyi Fiederalnaha Schodu Rasijskaj Fiederacyi zvarot ab vykarystańni Uzbrojenych Sił Rasijskaj Fiederacyi na terytoryi Ukrainy da narmalizacyi hramadska-palityčnaj abstanoŭki ŭ hetaj krainie».
Iłaryjonaŭ skazaŭ, što nieadkładnyja zachady pavinny być zroblenyja prosta zaraz, u hetyja chviliny.
«Samyja čornyja rečy robiacca nočču». 1. Prosta hetaj nočču treba ŭziać pad achovu stratehičnyja abjekty ŭ haradach Ukrainy.
2. Zakryć pavietranuju prastoru nad Ukrainaj, reahavać nieadkładna na samaloty, jakija nie adkazvajuć na zapyty.
3. Usieahulnaja mabilizacyja prosta zaraz nočču, pryčym mahčyma nie tolki vojska.
4. Nieabchodna źviarnuć asablivuju ŭvahu na ŭźbiarežža: ad Tahanroha da Adesy.
5. Źviarnucca ŭ ABSIE, NATA, ES ab akazańni luboj dapamohi.
6. Nakiravać jeŭrapiejskich naziralnikaŭ va Ukrainu.
7. Stvaryć mižnarodny pres-centr i zaprasić žurnalistaŭ viadučych ŚMI śvietu, kab jany pieradavali naviny ŭ svaje krainy na svaich movach. Pa SNN viadziecca ahałciełaja pucinskaja prapahanda. Palityki musiać źviartacca da ŭsich pa-anhlijsku. Druhaja klučavaja mova — rasiejskaja, u tym liku i dla antyprapahandy va ŭschodnich rajonach.
Usia kraina pavinna stać na abaronu Ukrainy, — skazaŭ Iłaryjonaŭ.
Stali viadomyja pieršyja piać proźviščaŭ palitviaźniaŭ, vyzvalenych pa novym pamiłavańni5
Kamientary