Najbujniejšyja ŭkrainskija telekanały źviarnulisia da kalehaŭ z RF z prośbaj abjektyŭna aśviatlać padziei pra Ukrainu
Najbujniejšyja ŭkrainskija telekanały źviarnulisia da rasijskich kaleh z prośbaj abjektyŭna aśviatlać padziei ŭ Ukrainie.
«My prosim Vas adkryta, uzvažana i abjektyŭna aśviatlać padziei, što adbyvajucca siońnia va Ukrainie. My prosim Vas zrazumieć i padtrymać pazicyju ŭsich centralnych ukrainskich telekanałaŭ i adkazna stavicca da kožnaha słova. My nie majem prava raspalvać varožaść pamiž bratnimi ruskim i ŭkrainskim narodami, vydavać u efir niepravieranuju abo niepraŭdzivuju infarmacyju. My ŭpeŭnienyja, što kali supraćstajańnie pieraraście ŭ vajennyja dziejańni — pieramožcaŭ nie budzie, prajhrajuć usie. Prajhrajuć našy narody, jakija historyjaj, vieraj, kryvioju nieparyŭna źviazanyja pamiž saboj. My vierym, što siońnia razam možam zrabić usio, kab hetaha nie zdaryłasia. My vierym, što pamiž našymi krainami budzie mir», — havorycca ŭ ahulnym liście ŭkrainskich miedyjahrup, nakiravanym rasijskim telekanałam u paniadziełak.
List adrasavany hienieralnamu dyrektaru AAT «Pieršy kanał» Kanstancinu Ernstu, hiendyrektaru FHUP «VHTRK» Alehu Dabradziejevu i hienieralnamu dyrektaru AAT «NTV» Uładzimiru Kuliścikavu.
List padpisali kiraŭnik Inter Media Group Hanna Biaźludnaja, kiraŭnik Starlight Media Uładzimir Baradzianski, kiraŭnik «Miedyja Hrupy Ukraina» Fiodar Aharkaŭ i kiraŭnik «1 1 Media» Alaksandr Tkačenka.
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi5
Kamientary