Mižnarodnaje rejtynhavaje ahienctva Moody's prahnazuje, što jakaść aktyvaŭ biełaruskich bankaŭ u najbližejšyja 12—18 miesiacaŭ pahoršycca. Taki prahnoz pryvodzicca ŭ spravazdačy rejtynhavaha ahienctva, pryśviečanaha pierśpiektyvam bankaŭskaj sistemy Biełarusi.
Na dumku rejtynhavaha ahienctva, niespryjalnaja ekanamičnaja situacyja ŭ Rasii admoŭna adabjecca na pracy biełaruskich vytvorčych pradpryjemstvaŭ.
«Spad, što praciahvajecca ŭ ekanomicy Rasii (na dolu Rasii prypadaje 42% biełaruskaha ekspartu), niehatyŭna ŭpłyvaje na kredytazdolnaść mnohich karparatyŭnych pazyčalnikaŭ Biełarusi», — miarkujuć analityki Moody's.
Uličvajučy hety fakt, rejtynhavaje ahienctva čakaje, što vieličynia prablemnych kredytaŭ biełaruskaj bankaŭskaj sistemy vyraście. Pavodle acenki Moody's, u listapadazie 2013 hoda dola prablemnych kredytaŭ u kredytnym partfieli biełaruskich bankaŭ składała kala 5% i moža ŭzraści da 6-7% na praciahu najbližejšych 12—18 miesiacaŭ.
Aprača taho, analityki Moody's miarkujuć, što zdolnaść biełaruskaha ŭrada akazać padtrymku dziaržbankam budzie źnižacca ŭ najbližejšyja hod-paŭtara.
«Zołatavalutnyja reziervy, jakija źnižajucca, abmiažoŭvajuć zdolnaść urada davać bankam padtrymku ŭ zamiežnaj valucie. Razam z tym padtrymka likvidnaści bankaŭ u nacyjanalnaj valucie za košt źmiakčeńnia hrašova-kredytnaj palityki moža pryvieści da ŭzmacnieńnia inflacyjnaha cisku na ekanomiku», — miarkujuć analityki Moody's.
Pavodle acenak rejtynhavaha ahienctva, u 2014 hodzie rost VUP Biełarusi składzie 2,5%.
«Adnak, uličvajučy nizkija zołatavalutnyja reziervy krainy ŭ adnosinach da płaciažoŭ pa imparcie, vysoki źniešni doŭh, lubyja niehatyŭnyja padziei ŭ častcy vydzialeńnia źniešniaha finansavańnia abo enierhietyčnych subsidyj Rasijaj mohuć vyklikać značny šok dla płaciežnaha bałansu», — ličać analityki Moody's.
U suviazi z hetym mižnarodnaje rejtynhavaje ahienctva čakaje, što ciažkija ŭmovy pryciahnieńnia źniešniaha finansavańnia prymusiać biełaruski ŭrad abmiežavać abjomy resursaŭ, što nakiroŭvajucca na stymulavańnie ekanomiki.
-
«Nad hałavoj lataje pa 20 ton». Brat i siastra ź Biełarusi raskazali, kolki zarablajuć u porcie polskaj Hdyni
-
«Mnohija ludzi stanuć niepatrebnymi». Suzasnavalnik EPAM pra siabroŭstva z Dobkinym, bahaćcie i niaroŭnaść, žyćcio ŭ Łatvii i nastalhiju
-
U lipieni Rasija jašče bolš pavialičyła zakupki paliva ŭ Biełarusi
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu10
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary