Prezident Armienii Sierž Sarhsian padpisaŭ rašeńnie ab adstaŭcy ŭrada respubliki. Prymajučy za asnovu pradstaŭlenuju premjer-ministram Armienii Tyhranam Sarkisianam zajavu ab adstaŭcy, kiraŭnik dziaržavy pryniaŭ rašeńnie pryniać adstaŭku ŭrada Armienii. Členam urada daručana ažyćciaŭlać vykanańnie abaviazkaŭ da farmiravańnia novaha ŭrada.
U adpaviednaści z Kanstytucyjaj Armienii, prezident pryznačaje premjer-ministra ŭ dziesiacidzionny termin paśla pryniaćcia adstaŭki ŭrada na padstavie raźmierkavańnia deputackich miescaŭ u parłamiencie. Novy skład urada farmirujecca ŭ 20-dzionny termin paśla pryznačeńnia premjera.
Pravam pryznačeńnia novaha premjer-ministra Armienii karystajecca palityčnaja bolšaść — Respublikanskaja partyja Armienii, jakuju ŭznačalvaje prezident respubliki Sierž Sarhsian.
Sarkisian padaŭ zajavu ab adstaŭcy viečaram u čaćvier na pasiadžeńni vykanaŭčaha orhana kirujučaj Respublikanskaj partyi. Jon zajmaŭ pasadu premjer-ministra Armienii z krasavika 2008 hoda, źjaŭlajecca namieśnikam staršyni Respublikanskaj partyi.
Čatyry apazicyjnyja frakcyi parłamienta Armienii raniej zajavili, što 28 krasavika na pasiadžeńni zakanadaŭčaha orhana majuć namier vynieści votum niedavieru ŭradu i zapatrabavać adstaŭki premjera. Apazicyjnyja frakcyi abvinavačvali premjera ŭ pravale ekanamičnaj palityki, a taksama vystupali suprać ŭkaranieńnia uradam abaviazkovaj nazapašvalnaj piensijnaj sistemy.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary