Aktyvizacyja sieparatysckich sił na ŭschodzie i poŭdni Ukrainy i ŭdzieł u supraćpraŭnych dziejańniach hramadzian Rasii śviedčać ab namiery Kramla ažyćciavić druhi etap akupacyi Ukrainy. U toj ža čas ŭkrainskija hramadzianie nie paddalisia na hetyja pravakacyi.
Pra heta havorka idzie ŭ zajavie ŭkrainskaha MZS adnosna ŭmiašańnia Rasii va ŭnutranyja spravy Ukrainy.
«Abvastreńnie situacyi ŭ asobnych haradach uschodu i poŭdnia Ukrainy inśpiravana zvonku i vyklikana padryŭnoj dziejnaściu Rasijskaj Fiederacyi. Da ažyćciaŭleńnia pravakacyj pryciahnutyja hrupoŭki, jakija kirujucca rasijskimi śpiecsłužbami. Ahresiŭnyja dziejańni, jakija staviać pad pahrozu žyćcio i biaśpieku ŭkrainskich hramadzian, aktyvizacyja sieparatysckich sił i ŭdzieł u supraćpraŭnych dziejańniach hramadzian Rasii śviedčać pra namier ažyćciavić druhi etap akupacyi Ukrainy», — zajaŭlajuć va ŭkrainskim źniešniepalityčnym viedamstvie.
Jak adznačajuć u MZS, dyviersijnaja praca supravadžajecca maštabnaj prapahandysckaj kampanijaj, jakaja cynična skažaje fakty, prymianiaje šantaž i pahrozy, raspaŭsiudžvaje adkrytuju chłuśniu i maje na mecie apraŭdać ŭmiašańnie va ŭnutranyja spravy Ukrainy.
U pryvatnaści, infarmacyjaj takoha charaktaru było paviedamleńnie ab źjaŭleńni «amierykanskich śpiecnazaŭcaŭ» dla pieraadoleńnia dziejańniaŭ miaciežnikaŭ.
Adznačajecca taksama, što nahniatańnie situacyi pavinna było pryvieści da krovapralićcia i siłavoha supraćstajańnia, i hetuju nahodu płanavałasia vykarystać dla nastupnaj ahresii. U toj ža čas siońnia situacyja stabilizavanaja, kanstatujuć u MZS Ukrainy, adznačajučy, što ŭkrainskija hramadzianie nie paddalisia na pravakacyi.
«Naš narod nie prymaje i nie prymie idei sieparatyzmu i fašyzmu, jakija aktyŭna raspaŭsiudžvajuć pravakatary z rasijskich śpiecsłužbaŭ. Ideja t.zv. «fiederalizacyi»Ukrainy, jakaja naviazvajecca Maskvoj, naležyć da hetaha ž liku śpiecyjalnych raspracovak. Idzie havorka nie pra fiederalizacyju, a pra «paralizacyju» našaj dziaržavy, jaje ekanomiki i mahčymaściaŭ našych hramadzian», — padkreślivajecca ŭ zajavie.
Pry hetym adznačajecca, što fundamientalnaj pazicyjaj ŭrada Ukrainy źjaŭlajecca abarona ŭsich demakratyčnych pravoŭ i svabod čałavieka, raźvićcia hetaha dyjałohu nacyjanalnaha razumieńnia ŭ krainie i pradastaŭleńnia ŭsim suajčyńnikam vyčarpalnych i realnych mahčymaściaŭ miascovaha samakiravańnia, jakija dazvolać kožnamu žycharu Ukrainy być haspadarom rodnaj dziaržavy.
«Va Ukrainie treba źmianić nie farmalnaje ustrojstva, a realnuju sutnaść raźmierkavańnia ŭłady. Takaja pierśpiektyva vyklikaje zaniepakojenaść ŭsich impierskich tatalitarnych siłaŭ, jakija aścierahajucca źjaŭleńnia ŭ Ukrainie paśpiachovaj alternatyvy kiravanaj psieŭdademakratyi», — adznačajuć u MZS, padkreślivajučy, što rasijski šavinizm nie cikaviać pravy nivodnaha čałavieka, uklučna z realnymi patrebami samoha rasijskaha naroda, čyjo składanaje ekanamičnaje, sacyjalnaje i demahrafičnaje stanovišča vyklikaje spraviadlivuju mižnarodnuju zaniepakojenaść i tryvohu.
«Składanyja ŭnutranyja prablemy Rasii pavinny praćvierazić ahresara», — zaŭvažajecca ŭ zajavie.
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury2
Kamientary