Zbornaja Ispanii ŭpeŭniena pieramahła Aŭstryju ŭ 1/16 finału ČS-2026 ź likam 3:0. Amal uvieś matč prajšoŭ pad jaje poŭnym kantrolem.
Ź pieršych chvilin matča ispancy zachapili inicyjatyvu: jany šmat vałodali miačom, pastajanna pieravodzili hulniu praz centr pola na fłanhi, sprabujučy raściahnuć abaronu supiernika. Aŭstryja ž vybrała bolš abarončy płan hulni i doŭhi čas paśpiachova strymlivała ataki, zakryvajučy zony i nie dajučy supierniku spakojna bić pa varotach.
Bližej da siaredziny pieršaha tajma Ispanija pačała stvarać bolš niebiaśpieki. Była situacyja, kali miač trapiŭ u sietku paśla ataki ispancaŭ, ale hoł admianili — sudździa zafiksavaŭ parušeńnie ŭ štrafnoj płoščy aŭstryjcaŭ padčas epizodu.
Pastupova cisk Ispanii staŭ jašče macniejšy, i na 35‑j chvilinie jana ŭsio ž taki adkryła lik. Mark Kukurelja vykanaŭ dakładnuju pieradaču ŭ štrafnuju, dzie Mikiel Ajarsabal svoječasova adkryŭsia i ŭ adzin dotyk adpraviŭ miač u nižni kut varot.
U druhim tajmie karcina hulni nie źmianiłasia. Ispanija praciahvała kantralavać miač i temp, a Aŭstryja ŭsio bolš siadzieła ŭ abaronie i redka vychodziła ŭ ataki.
U siaredzinie druhoha tajma Ispanija padvoiła pieravahu. Aleks Baena vykanaŭ prastrelnuju pieradaču ŭ štrafnuju, a Piedra Pora zamknuŭ jaje ŭdaram hałavoj, dakładna nakiravaŭšy miač u sietku.
A ŭ kancy matča Ispanija kančatkova zakryła pytańnie pra pieramožcu. U apošniuju chvilinu asnoŭnaha času Ajarsabal aformiŭ dubl, znoŭ skarystaŭšysia pieradačaj Kukurelji, i pastaviŭ u matčy kropku — 3:0.
U vyniku Ispanija ŭpeŭniena vychodzić u 1/8 finału, pakazaŭšy kantrol miača, vysoki temp i dobruju realizacyju momantaŭ, Aŭstryja ž za ŭvieś matč amal nie zmahła stvaryć realnaj pahrozy ŭ atacy.
Supiernik zbornaj ispanii ŭ 1/8 finału vyznačycca ŭ matčy zbornych Partuhalii i Charvatyi.
Prezident Kaba-Verde zrabiŭ zajavu pierad matčam z Arhiencinaj
ZŠA ŭdziesiacioch i pry dvuch admienienych hałach pieramahli Bośniju i vyjšli ŭ 1/8 finału
Bielhija amal bieznadziejna prajhravała Sieniehału, ale ŭ vyniku śviatkavała pieramohu
Na čempijanacie śvietu była blizkaja siensacyja. Zbornaja Anhlii ledź uratavałasia ad kanhalezcaŭ
Na čempijanacie śvietu źjaviłasia novaja lubimaja fanatka. Usie šalejuć ad zaŭziatarki zbornaj Parahvaja ŠMAT FOTA
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary