Kamitet dziaržaŭnaha kantrolu Biełarusi prapanuje prymianić ekanamičnyja ryčahi da kampanii «Chajniekien».
Ab hetym išła razmova 10 krasavika na naradzie ŭ Łukašenki ab stanie i pierśpiektyvach raźvićcia pivavarnaj haliny.
Staršynia Kamiteta dziaržkantrolu Alaksandr Jakabson źviarnuŭ uvahu na rabotu kampanii «Chajniekien» u Biełarusi. Pavodle jaho słoŭ, akramia taho, što kampanija impartuje šmat piva, jana cierpić straty, jakija źviazany z zapazyčanaściu pa kredytach i pazykach, što nie pahašajecca hadami, pry hetym štohod na raschody biełaruskaha pradpryjemstva śpisvajucca miljardnyja kursavyja roźnicy ad pieraacenki valutnaj zapazyčanaści.
Pavodle słoŭ Alaksandra Jakabsona, tolki ŭmiašańnie KDK prymusiła kampaniju ŭ apošnija piać miesiacaŭ pačać aktyŭnaje pahašeńnie daŭhoŭ pa valutnych kredytach. Taksama nie da kanca vykanała kampanija abaviazacielstvy pierad orhanami miascovaj ułady.
«Siońnia zadača adna — prymusić praz ekanamičnyja ryčahi hetu zamiežnuju kampaniju pracavać u Biełarusi ŭ intaresach ekanomiki dziaržavy, haliny i spažyŭcoŭ», — skazaŭ staršynia Kamiteta dziaržkantrolu.
Kamientary