Hramadskija aktyvisty abskardžvajuć u miascovaj milicyi zatrymańnie bresckaj zborščycy podpisaŭ za «Narodny refierendum».
Zajaŭniki padali zajavu na imia kiraŭnika RAUS Leninskaha rajona horada Bresta, raspaviadaje miascovy kaardynatar hramadzianskaj kampanii «Havary praŭdu» Ihar Masłoŭski.
Masłoŭski: «Prosim: 1. Na asnovie zakona Respubliki Biełaruś ab zvarotach hramadzian i jurydyčnych asob, viarnuć našaj aktyvistcy kalektyŭny zvarot z podpisami žycharoŭ Bresta. 2. Hramadzianina, jaki niezakonna ŭtrymlivaŭ našu aktyvistku ŭ svajoj kvatery, pryciahnuć da administracyjnaj adkaznaści».
Nahadajem, 4 krasavika aktyvistka «Havary praŭdu» Śviatłana Nikadzimuk źbirała podpisy ŭ padtrymku pytańniaŭ Narodnaha refierendumu ŭ šmatpaviarchoviku. Ź jaje słovaŭ, mužčyna, pačuŭšy pra mety akcyi, skazaŭ, što jamu treba lepš aznajomicca z prapanavanymi pytańniami. Jon zaprasiŭ žančynu ŭ kvateru, paśla zamknuŭ dźviery i skazaŭ, što takich, jak jana, «usich treba pasadzić». Piensijanier nazvaŭsia «milicyjanieram na piensii» dy pa telefonie vyklikaŭ narad milicyi.
Arhanizatary zboru podpisaŭ prapanujuć padtrymać vyniasieńnie na refierendum pytańniaŭ pra biaspłatnaść dziaržaŭnaj adukacyi i achovy zdaroŭja, vybarnaść kiraŭnikoŭ vykanaŭčych orhanaŭ miascovaj ułady, kurs na intehracyju ź ES, nieraźmiaščeńnie na terytoryi Biełarusi vajskovych bazaŭ trecich krain, abmiežavańnie znachodžańnia na pasadzie prezidenta dvuma terminami i padkantrolnaść pryvatyzacyi dziaržaŭnaj majomaści.
Kamientary