Грамадскія актывісты абскарджваюць у мясцовай міліцыі затрыманне брэсцкай зборшчыцы подпісаў за «Народны рэферэндум».
Заяўнікі падалі заяву на імя кіраўніка РАУС Ленінскага раёна горада Брэста, распавядае мясцовы каардынатар грамадзянскай кампаніі «Гавары праўду» Ігар Маслоўскі.
Маслоўскі: «Просім: 1. На аснове закона Рэспублікі Беларусь аб зваротах грамадзян і юрыдычных асоб, вярнуць нашай актывістцы калектыўны зварот з подпісамі жыхароў Брэста. 2. Грамадзяніна, які незаконна ўтрымліваў нашу актывістку ў сваёй кватэры, прыцягнуць да адміністрацыйнай адказнасці».
Нагадаем, 4 красавіка актывістка «Гавары праўду» Святлана Нікадзімук збірала подпісы ў падтрымку пытанняў Народнага рэферэндуму ў шматпавярховіку. З яе словаў, мужчына, пачуўшы пра мэты акцыі, сказаў, што яму трэба лепш азнаёміцца з прапанаванымі пытаннямі. Ён запрасіў жанчыну ў кватэру, пасля замкнуў дзверы і сказаў, што такіх, як яна, «усіх трэба пасадзіць». Пенсіянер назваўся «міліцыянерам на пенсіі» ды па тэлефоне выклікаў нарад міліцыі.
Арганізатары збору подпісаў прапануюць падтрымаць вынясенне на рэферэндум пытанняў пра бясплатнасць дзяржаўнай адукацыі і аховы здароўя, выбарнасць кіраўнікоў выканаўчых органаў мясцовай улады, курс на інтэграцыю з ЕС, неразмяшчэнне на тэрыторыі Беларусі вайсковых базаў трэціх краін, абмежаванне знаходжання на пасадзе прэзідэнта двума тэрмінамі і падкантрольнасць прыватызацыі дзяржаўнай маёмасці.
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я11
Каментары