Słužba biaśpieki Ukrainy apryludniła aŭdyjo, na jakim, jak śćviardžajecca, — razmova asobaŭ, datyčnych da zabojstva deputata Horłaŭskaj haradskoj rady, siabra partyi «Baćkaŭščyna» Uładzimira Rybaka.
23 krasavika cieła vykradzienaha napiaredadni deputata znajšli ŭ race Tarec kala pasiołka Rajharadok Danieckaj vobłaści. Rybaku ŭskryli žyvot, načapili na śpinu zaplečnik ź piaskom i ŭtapili.
Vykradańnie, pavodle SBU, było ździejśnienaje na zahad pałkoŭnika HRU HŠ RF Ihara Bieźlera, vykanaŭcam byŭ dyviersant ź mianuškaj «Alf», a pazbaŭlacca ad cieła dapamahaŭ «narodny hubiernatar» Słavianska Panamaroŭ.
Kamientary