Na 25 hadoŭ pazbaŭleńnia voli asudžany žychar Baranavič, jaki žorstka zabiŭ znajomuju dziaŭčynu

 Sudovaja kalehija pa kryminalnych spravach Bresckaha abłasnoha suda vyniesła prysud 29- hadovamu niepracujučamu, raniej nie sudzimamu žycharu Baranavičaŭ, jaki zabiŭ z asablivaj žorstkaściu dziaŭčynu.

Jak paviedamiła načalnik adździeła prakuratury Bresckaj vobłaści Natalla Vasiarčuk, jakaja padtrymlivała dziaržaŭnaje abvinavačvańnie pa spravie, złačynstva było ździejśniena ŭviečary 25 vieraśnia 2013 hoda ŭ Baranavičach, u kvatery, jakuju zdymała 19- hadovaja achviara abvinavačanaha. Z hetaj dziaŭčynaj mužčyna byŭ znajomy prykładna dva miesiacy, niekatory čas žyŭ u jaje ŭ kvatery i pamiž imi byli blizkija adnosiny.

24 vieraśnia abvinavačany pryjšoŭ da dziaŭčyny ŭ hości sa svaim siabram, raśpivaŭ ź im śpirtnyja napoi, paśla čaho zastaŭsia načavać. Uviečary 25 vieraśnia pamiž abvinavačvanym i dziaŭčynaj pačałasia svarka z-za praźmiernaha ŭžyvańnia mužčynam śpirtnoha. Žychar Baranavičaŭ, jaki znachodziŭsia ŭ stanie apjanieńnia, nanios svajoj achviary nie mienš za 84 udary nažom i mietaličnaj videlcam, a taksama rukami i nahami ŭ vobłaść hałavy, šyi, tułava i kaniečnaściaŭ, pryčyniŭšy 124 cialesnych paškodžańni.

Ad traŭmatyčnaha hiemarahičnaha šoku, jaki raźviŭsia ŭ vyniku kambinavanaj traŭmy, dziaŭčyna pamierła na miescy.

Złačyniec uciok ź miesca złačynstva, źniaŭ ź siabie vopratku, jakaja była ŭ kryvi zabitaj, i schavaŭ. Paśla hetaha jon chavaŭsia ŭ lasnym masivie niedaloka ad vioski Civuncy, dzie ździejśniŭ čatyry kradziažy z dačnych domikaŭ, vykradajučy pradukty charčavańnia i rečy. 16 kastryčnika jaho zatrymali supracoŭniki milicyi.

Stacyjanarnaja kompleksnaja psichołaha-psichijatryčnaja sudovaja ekśpiertyza vyjaviła, što mužčyna nie pakutuje jakim-niebudź psichičnym zachvorvańniem.

Sudovaja kalehija pa kryminalnych spravach Bresckaha abłasnoha suda pryznała jaho vinavatym u naŭmysnym supraćpraŭnym pazbaŭleńni žyćcia čałavieka (zabojstvie) z asablivaj žorstkaściu (pa p. 6 č. 2 art. 139 KK), a taksama ździajśnieńni kradziažu paŭtorna (pa č. 2 art. 205 KK) i prysudziła da 25 hadoŭ pazbaŭleńnia voli z adbyćciom pakarańnia ŭ papraŭčaj kałonii va ŭmovach uzmocnienaha režymu.

Pa prysudzie kalehii ź jaho spahnana ŭ vyhladzie kampiensacyi maralnaj škody na karyść baćkoŭ zabitaj pa 50 młn rubloŭ kožnamu, a taksama 9,5 młn. rubloŭ vydatkaŭ na jaje pachavańnie.

«U sudovym pasiadžeńni abvinavačany zajaŭlaŭ, što ničoha nie pamiataje pra abstaviny zabojstva. Razam z tym papiarednija i nastupnyja padziei vykładaŭ z chranałahičnaj dakładnaściu», — adznačyła dziaržabvinavaŭca.

Prysud jašče nie ŭstupiŭ u zakonnuju siłu.

• 0
• 0
• 0
• 0
• 0
• 0
• 0
• 0