U adroźnieńnie ad ZŠA, Kanada nie ŭviała sankcyj suprać Siečyna i Čemiezava
U Kanady ŭźnikli roznahałośsi z ZŠA z-za admovy ŭvieści sankcyi ŭ dačynieńni da prezidenta «Rośniefť» Ihara Siečyna i hiendyrektara «Rostiech» Siarhieja Čemiezava, kažuć krynicy Reuters, znajomyja ź situacyjaj.
Kanada, dzie pražyvajuć 1,2 młn vychadcaŭ z Ukrainy, uviała sankcyi suprać prykładna 80 rasijskich i ŭkrainskich čynoŭnikaŭ i biznesmienaŭ. Amierykanski sankcyjny śpis naličvaje tolki 60 čałaviek. Ale ŭ adroźnieńnie ad ZŠA, Kanada nie ŭviała sankcyi suprać Čemiezava i Siečyna z-za najaŭnaści ciesnych dziełavych kantaktaŭ.
Sprava ŭ tym, što «Rośniefť» vałodaje 30 %-naj dolaj ŭ prajekcie raspracoŭki ciažkazdabyvalnaj nafty «kardzium» u kanadskaj pravincyi Albierta. A ŭ «Rostiech» jość sumiesnaje pradpryjemstva z kanadskaj Bombardier pa vytvorčaści nievialikich samalotaŭ va Uljanaŭsku. Dla Kanady heta važny prajekt, bo ŭ jaje ŭžo jość zamova na $3,4 młrd. «Meta našych sankcyj — pakarać Rasiju, a nie kanadskija kampanii», — zajaviła ahienctvu krynica va ŭradzie Kanady. «My i nadalej budziem akazvać cisk na Rasieju, uvodzić sankcyi. Ale ŭ toj ža čas my kłapocimsia ab intaresach krainy», — dadała krynica. Heta supiarečyć aficyjnaj zajavie kiraŭnictva krainy pra toje, što «my nie budziem budavać źniešniuju palityku, jakaja hruntujecca na kamiercyjnych intaresach», kazaŭ raniej kanadski premjer Styvien Charpier.
Hiendyrektar Bombardier Pjer Boduen u sakaviku pravioŭ šeść sustreč z čynoŭnikami ŭrada, u tym liku ź ministrami transpartu i pramysłovaści. Krynica ahienctva, znajomaja z vynikami sustreč, raspaviała, što Boduen nie ahučvaŭ prośbaŭ nie ŭvodzić sankcyi suprać Čemiezava, jon tolki raspavioŭ pra ŭsie niehatyŭnyja nastupstvy takoj miery.
«Rośniefť » i «Rostiech» ad kamientaroŭ admovilisia.
-
U Hiermanii mužčyn pryzyŭnoha ŭzrostu abaviazali ŭzhadniać z Bundeśvieram praciahły vyjezd za miažu
-
Śpikier armianskaha parłamienta: Armienija moža vyjści z ADKB i JEAES, kali Maskva budzie iści na abvastreńnie
-
U Niepale hornyja pravadniki pravakavali «hornuju chvarobu» ŭ turystaŭ, kab na hetym uzbahačacca
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty44
Kamientary